గురుకులాల్లో అయిదో తరగతిలో ప్రవేశాలకు నిర్వహించే తెలంగాణ గురుకుల సెట్ నోటిఫికేషన్ రిలీజ్ అయింది. రాష్ట్ర వ్యాప్తంగా 602 గురుకులాల్లో 46,937 వరకు సీట్లు అందుబాటులో ఉన్నాయి. నాలుగో తరగతి పూర్తి చేసిన స్టూడెంట్స్ కామన్ ఎంట్రెన్స్ టెస్ట్ ద్వారా అడ్మిషన్ పొందవచ్చు.
రాష్ట్రంలో ఆర్థికంగా వెనకబడిన బీసీ, ఎస్సీ, ఎస్టీ స్టూడెంట్స్ కోసం ప్రభుత్వం వందల సంఖ్యలో గురుకులాలను ప్రారంభించింది. ఇంగ్లిష్ మీడియంలో క్వాలిటీ ఎడ్యుకేషన్ అందించడంతోపాటు ఫుడ్, అకామిడేషన్ ఇస్తుండటంతో గురుకుల ప్రవేశాలకు ఏటా పోటీ పెరుగుతోంది. గతేడాది 48,120 సీట్లకు 1,48,168 మంది పోటీ పడ్డారు. ప్రస్తుతం 2021–22 అకడమిక్ ఇయర్ ప్రవేశాలకు అప్లికేషన్ ప్రాసెస్ ప్రారంభమైంది.
అర్హతలు
ప్రస్తుతం నాలుగో తరగతి చదువుతున్న స్టూడెంట్స్ అర్హులు. బీసీ, ఓసీ స్టూడెంట్స్ 9 నుంచి 11 ఏళ్ల మధ్య వయసు కలిగి ఉండాలి. ఎస్సీ ఎస్టీ స్టూడెంట్స్కు మూడేళ్ల ఏజ్ రిలాక్సేషన్ ఉంటుంది. విద్యార్థుల తల్లిదండ్రుల వార్షిక ఆదాయం గ్రామీణ ప్రాంతాల్లో రూ. లక్షన్నర, పట్టణ ప్రాంతాల్లో రూ. రెండు లక్షల కంటే మించరాదు.
సెలెక్షన్ ప్రాసెస్
కామన్ ఎంట్రెన్స్ టెస్ట్ ద్వారా అడ్మిషన్స్ కల్పిస్తారు. ఇందుకు పాత జిల్లాను యూనిట్గా పరిగణిస్తారు. మెదక్ జిల్లాలోని మహాత్మా జ్యోతిబాపూలే తెలంగాణ బీసీ వెల్ఫేర్ రెసిడెన్షియల్ ఎడ్యుకేషనల్ ఇన్స్టిట్యూషన్స్ సొసైటీ కౌడిపల్లి స్కూలులో మాత్రం మత్స్యకార వృత్తికి చెందిన తెలంగాణలోని అన్ని జిల్లాల వారు అర్హులు. నల్గొండ జిల్లా సర్వేల్ రీజనల్ సెంటర్ ఆఫ్ ఎక్స్లెన్స్ స్కూలులో ప్రవేశాలకు తెలంగాణలోని అన్ని జిల్లాల వారు అర్హులు. అభ్యర్థి మెరిట్, రిజర్వేషన్ ప్రకారం అడ్మిషన్ కల్పిస్తారు. ఒకరి కంటే ఎక్కువ మంది స్టూడెంట్స్కు సమాన మార్కులు వచ్చినప్పుడు డేట్ ఆఫ్ బర్త్, మ్యాథ్స్, ఈవీఎస్లో వచ్చిన మార్క్స్ పరిగణనలోకి తీసుకొని ర్యాంకులు కేటాయిస్తారు.
సబ్జెక్ట్ ప్రిపరేషన్
తెలుగు: అక్షరమాల, అచ్చులు, హల్లులు మొదలు రీడింగ్ ప్యాసేజీ వరకు మాతృభాషపై కొంత శ్రద్ధ పెడితే ఎక్కువ మార్కులు స్కోర్ చేయొచ్చు. మూడు, నాలుగో తరగతుల్లోని తెలుగులో కాలాలు(భూత, వర్తమాన, భవిష్యత్), తెలుగు మాసాలు, తిథులు, పండుగలు, నదులు, తేలికపాటి పద్యపూరణం, జంటపదాలు, అర్థాలు, వ్యతిరేక అర్థాలు, నానార్థాలు, భాషాభాగాలు, ప్యాసేజీ రీడింగ్ మీద ఎక్కువ ప్రశ్నలు ఇస్తున్నారు.
ఇంగ్లిష్: టెస్ట్లో ఇంగ్లిష్కు అత్యధికంగా 25 మార్కులు ఉన్నాయి. కాబట్టి ఎక్కువ కాన్సన్ట్రేషన్ చేయాలి. ఇంగ్లిష్ వకాబులరి పెంచుకోవడంతోపాటు, సింగ్లర్, ప్లూరల్స్, కంజక్షన్స్, ప్రిపోజిషన్స్, వర్డ్స్ అరేంజ్మెంట్, టెన్సెస్, ప్యాసేజ్ రీడింగ్, మిస్సింగ్ లెటర్స్, రాంగ్లీ స్పెల్ట్ వర్డ్స్, ఎనిమల్స్ వాటి పిల్లల పేర్లు, నౌన్, ప్రనౌన్ తదితర పార్ట్స్ ఆఫ్ స్పీచ్
చాప్టర్స్ ప్రిపేరవ్వాలి.
మ్యాథ్స్: అంకెలు–సంఖ్యలు, సంఖ్యల స్థాన విలువ, ముఖ విలువ, కొలతలు, ఆరోహణ, అవరోహణ క్రమాలు, పూర్ణసంఖ్యలు, భిన్నాలు, కాలం, త్రిభుజాలు, ఘనాలు తదితర చాప్టర్ల నుంచి ఎక్కువ ప్రశ్నలిస్తున్నారు. మ్యాథ్స్లో కూడా 25 మార్కులు ఉన్నాయి కాబట్టి స్టూడెంట్స్ మూడు, నాలుగు తరగతిల మ్యాథ్స్ కాన్సెప్ట్లను బాగా ప్రాక్టీస్ చేయాలి.
ఎన్విరాన్మెంటల్ సైన్స్: మొక్కలు, జంతువులు, పక్షులు, జీవావరణం, పంటలు, మానవ శరీరం, వివిధ రంగాల్లో విజేతలు, వాయు, నీటి కాలుష్యం, ఆహారం, ఆరోగ్యం, వ్యాధులు, పర్యావరణ పరిరక్షణకు రాష్ట్ర ప్రభుత్వం చేపట్టిన స్కీమ్స్, చరిత్ర సంస్కృతి,ఆటలు నియమాలు, రాష్ట్రాలు–సరిహద్దులు, గ్రహాలు తదితర చాప్టర్లు చూసుకోవాలి.
మెంటల్ ఎబిలిటీ: లెటర్ సిరీస్లు, ఆల్ఫాబెట్, వర్డ్, నెంబర్ అనాలజీ, క్లాసిఫికేషన్, లాజికల్ డయాగ్రమ్స్ తదితర ప్రాథమిక చాప్టర్స్ చూసుకోవాలి. గతేడాది మోడల్ ప్రశ్నపత్రం అఫీషియల్ వెబ్సైట్లో పెట్టారు. స్టూడెంట్స్ దాన్ని డౌన్లోడ్ చేసుకొని పరిశీలిస్తే ప్రశ్నల సరళి అర్థమవుతుంది. ఓఎంఆర్ షీట్స్ కూడా పెట్టారు.
ఎగ్జామ్ ప్యాటర్న్
కామన్ ఎంట్రెన్స్ ఎగ్జామ్100 మార్కులకు కండక్ట్ చేస్తారు. ప్రశ్నలన్నీ ఆబ్జెక్టివ్ టైప్లో ఉంటాయి. క్వశ్చన్ పేపర్ తెలుగు, ఇంగ్లిష్ భాషల్లో ఇస్తారు. నాలుగో తరగతి స్టాండర్డ్లో వచ్చే ప్రశ్నలకు సరైన ఆన్సర్స్ గుర్తించి ఓఎంఆర్ షీట్లో బబుల్ చేయాలి.
గురుకులాలు సీట్లు
సోషల్ వెల్ఫేర్ సొసైటీ 18,560
ట్రైబల్ వెల్ఫేర్ సొసైటీ 4,777
బీసీ వెల్ఫేర్ సొసైటీ 20,800
జనరల్ వెల్ఫేర్ సొసైటీ 2,800
మొత్తం సీట్లు 46,937
ముఖ్య సమాచారం
దరఖాస్తులు : ఆన్ లైన్ లో..
అప్లికేషన్ ఫీజు: రూ.100
అప్లికేషన్ ప్రాసెస్ ప్రారంభం: మార్చి 10
చివరి తేది: ఏప్రిల్ 3
ఎంట్రెన్స్ ఎగ్జామ్ : మే 30(ఉదయం 11
నుంచి ఒంటి గంట వరకు)
వెబ్ సైట్ : tgcet.cgg.gov.in
