మేడిపల్లి, వెలుగు: సెట్విన్ లో వివిధ వృత్తి, విద్యా, నైపుణ్య కోర్సుల్లో శిక్షణ పొందిన విద్యార్థులకు మంగళవారం నుంచి పీర్జాదిగూడ మున్సిపల్ కార్పొరేషన్ పరిధిలోని సెంటర్ లో పరీక్షలు షురూ అయ్యాయి. సెట్విన్ ఎండీ వేణుగోపాల్ రావు, మేడిపల్లి సెంటర్ ఇన్ చార్జ్ వనజ పరిశీలించారు. 3 రోజుల పాటు నిర్వహించే పరీక్షలకు సిటీలోని సెట్విన్ సెంటర్లలో కంప్యూటర్, బ్యూటిషియన్, ఫ్యాషన్ డిసైనింగ్, ఏసీ, ఫ్రిడ్జ్, మొబైల్ రిపేరింగ్, మగ్గం వర్క్స్, జ్యూట్ , పేపర్ బ్యాగ్ తదితర కోర్సుల్లో శిక్షణ పొందిన సుమారు 450 మంది రాస్తున్నారు.
పరీక్షలకు హాజరయ్యే విద్యార్థులకు అవసరమైన వసతులు కల్పించామని, ఉత్తీర్ణులైన వారికి సర్టిఫికెట్లు అందజేస్తామని సెంటర్ ఇన్ చార్జ్ వనజ తెలిపారు. వచ్చే వారం నుంచి కొత్త బ్యాచ్ లకు శిక్షణ తరగతులు ప్రారంభిస్తామని, సిటీలోని నిరుద్యోగ యువత, మహిళలు సద్వినియోగం చేసుకోవాలని సూచించారు.
