ఐఏఎస్–2023 బ్యాచ్ తెలంగాణ క్యాడర్కు చెందిన ఏడుగురు అసిస్టెంట్ కలెక్టర్లు యాదాద్రి జిల్లాను చుట్టేశారు. తెలంగాణ దర్శినిలో భాగంగా జిల్లాలోని పలు దర్శనీయ స్థలాలను మంగళవారం సందర్శించారు. తొలుత భువనగిరి కోటను సందర్శించి విశేషాలను టూరిజం గైడ్ను అడిగి తెలుసుకున్నారు. అనంతరం యాదగిరిగుట్ట శ్రీ లక్ష్మీ నర్సింహస్వామిని దర్శించుకున్నారు.
ఆలేరు మండలం కొలనుపాకలోని జైన దేవాలయం, శ్రీ సోమేశ్వరాలయం, మ్యూజియానికి వెళ్లారు. వీరిలో అసిస్టెంట్ కలెక్టర్లు ఉమా హారతి, అజ్మేరా సంకేత్ కుమార్, గరిమా నరుల, అభిజ్ఞాన్ మాలవీయ, అజయ్ యాదవ్, మృణాల్ శ్రేష్ట, ఐఈఎస్ ఎస్డీ మనోజ్ ఉన్నారు.
- యాదాద్రి, వెలుగు
