అమెరికాలో తెలుగోళ్లు నడుపుతున్న వ్యభిచార ముఠా గుట్టు రట్టయ్యింది. టెక్సాస్ పోలీసులు చేపట్టిన స్టింగ్ ఆపరేషన్లో భాగంగా ఏడుగురు భారతీయులను అరెస్ట్ చేయగా అందులో 5మంది తెలుగు యువకులు ఉన్నట్లు సమాచారం.వివరాల్లోకి వెళితే... డెంటన్ కౌంటీ షెరీఫ్ అధికారులు వ్యభిచా రాన్ని అరికట్టడానికి హాయ్లా ల్యాండ్ విలేజ్ పోలీస్ డిపార్ట్మెంట్ సహకారంతో మంగళవారం టెక్సాస్ లోని డెంటన్ స్టింగ్ ఆపరేషన్ నిర్వహించారు. ఇందులో మొత్తం 18 మంది నిందితులు పట్టుబడ్డారని, వీరిలో ఏడుగురు భారతీయులు ఉండగా.. అందులో ఐదుగురు తెలుగువారని అధికారులు తెలిపారు.
పోలీసులు అదుపులోకి తీసుకున్నవారిలో నిఖిల్ బండి, మోనిష్ గల్లా, నిఖిల్ కుమ్మరి, జైకిరణ్ మేకల, కార్తీక్ రాయపాటి ఉన్నారు. వీరిలో పోలీసుల అరెస్ట్ నుంచి తప్పించుకునేందు యత్నించిన బండి నిఖిల్, కుమ్మరి నిఖిల్ లను అరెస్ట్ చేసినట్లు.. వ్యభిచారం ముఠా నడుపుతున్నారన్న ఆరోపణలపై గల్లా మోనిష్, అమిత్ కుమార్, మేకల జైకిరణ్ రెడ్డిని, రాయపాటి కార్తీక్, నబిన్ శ్రేష్ఠలను అదుపులోకి తీసుకున్నట్లు తెలిపారు పోలీసులు.
అంతే కాకుండా.. 18 మందిలో ఇద్దరి దగ్గర ఆక్రమ ఆయుధాలు కూడా గుర్తించినట్లు తెలిపారు పోలీసులు. ఈ వ్యభిచార ముఠాతో సంబంధాలున్న మరికొంత మంది కోసం దర్యాప్తు చేస్తున్నట్లు తెలిపారు. ఇదిలా ఉండగా.. పట్టుబడిన తెలుగు యువకుల్లో ఇద్దరికి టీడీపీ ఎన్నారై వింగ్ తో సంబంధాలున్నట్లు సోషల్ మీడియాలో టాక్ వినిపిస్తోంది.
