- ఏడుగురు కార్మికులకు గాయాలు..
- హైదరాబాద్ సెంట్రల్ వర్సిటీలో ఘటన
గచ్చిబౌలి, వెలుగు: హైదరాబాద్సెంట్రల్యూనివర్సిటీలో నిర్మాణంలో ఉన్న బిల్డింగ్ శ్లాబ్కుప్పకూలింది. ఇటీవల వర్సిటీలోని అడ్మినిస్ట్రేటివ్బిల్డింగ్ఫోర్టికోనిర్మాణం చేపట్టారు. పనుల్లో భాగంగా పిల్లర్లపై కాంక్రీట్ శ్లాబ్ నిర్మించారు. అయితే సపోర్టు పిల్లర్లు శ్లాబ్ బరువును తట్టుకోలేక గురువారం రాత్రి ఒక్కసారిగా కుప్పకూలింది.
నిర్మాణ శిథిలాల కింద సంజయ్, కరణ్, ఈశ్వర్, ధీన, యూనస్, మాధవ్, మనోజ్అనే ఏడుగురు కార్మికులు చిక్కుకోగా, గచ్చిబౌలి పోలీసులు వర్సిటీ అధికారులతో కలిసి వారిని బయటకు తీశారు. నల్లగండ్లలోని ఓ ప్రైవేటు ఆసుపత్రికి తరలించారు. ఈ ఘటనపై పోలీసులు దర్యాప్తు ప్రారంభించారు. నిర్మాణ పనుల్లో నాణ్యత పాటించకపోవడం వలన కూలిపోయిందా? లేదా ఏమైనా లోపాలు ఉన్నాయా అని పరిశీలిస్తున్నారు.
