మేడిపల్లి, వెలుగు: తాగిన మత్తులో కన్న కూతురిపైనే తండ్రి లైంగికదాడికి పాల్పడ్డాడు. మేడిపల్లి పోలీసులు తెలిపిన ప్రకారం... ఒడిశాకు చెందిన ఓ వ్యక్తి(36) సిటీకి వచ్చి మేడిపల్లి సాయినగర్ కాలనీలో ఉంటూ స్థానికంగా కార్మికుడిగా పని చేస్తున్నాడు. అతడిని భార్య వదిలిపెట్టిపోవడంతో తల్లితో ఉంటున్నాడు. కూతురు(12)ను హాస్టల్లో ఉంచి చదివిస్తున్నాడు.
కొన్ని రోజుల కిందట బాలికకు జ్వరం రావడంతో ఇంటికి తీసుకొచ్చాడు. ఇంట్లో తల్లి లేని సమయంలో బుధవారం అర్ధరాత్రి మద్యం మత్తులో కూతురిపై లైంగిక దాడికి పాల్పడ్డాడు. బాలికకు జరిగిన విషయం తెలుసుకున్న స్థానికులు పోలీసులకు సమాచారం అందించారు. నిందితుడిని అదుపులోకి తీసుకుని పోక్సో కేసు నమోదు చేసి గురువారం రిమాండ్ కు పంపారు.
