జనగామ అర్బన్, వెలుగు : పనిచేసే చోట మహిళలపై లైంగిక వేధింపులు చట్టరీత్యా నేరమని జనగామ కలెక్టర్ రిజ్వాన్ బాషా షేక్ పేర్కొన్నారు. బుధవారం కలెక్టరేట్లో డీడబ్ల్యూవో శాఖ ఆధ్వర్యంలో అడిషనల్కలెక్టర్ రోహిత్ సింగ్, డీసీపీ రాజమహేంద్ర నాయక్, స్పెషల్డిప్యూటీ కలెక్టర్ సుహాసినితో కలిసి పనిచేసే చోట మహిళలపై లైంగిక వేధింపుల చట్టం 2013 మహిళా సాధికారత, నషా ముక్త్ భారత్ అభియాన్లో భాగంగా మిషన్పరివర్తన కింద మాదకద్రవ్యాల నిరోధ చట్టం, బాల కార్మిక చట్టం, పోక్సో యాక్ట్లపై జిల్లా, మండల అధికారులు, మహిళా ఉద్యోగులకు అవగాహన సదస్సును నిర్వహించారు.
కలెక్టర్ మాట్లాడుతూ ప్రభుత్వ, ప్రైవేట్అన్ని శాఖల ఆఫీస్ల్లో పనిచేసే మహిళల కోసం ఇంటర్నల్ కంఫ్లైంట్ కమిటీ (ఐసీసీ) లను ఏర్పాటు చేయాలన్నారు. హెల్ప్లైన్నంబర్ 181లో కూడా ఫిర్యాదుల కొరకు సంప్రదించాలని వెల్లడించారు. మాదకద్రవ్య రహిత జిల్లాగా తీర్చిదిద్దాలన్నారు. ఇందుకోసం నషా ముక్త్ భారత్ లో భాగంగా మిషన్ పరివర్తన కింద ప్రతిజ్ఞ చేశారు.
అనంతరం బీబీఏ స్టేట్ కోఆర్డినేటర్ వెంకటేశ్వర్లు, శ్రీనివాస్మహిళలపై లైంగిక వేధింపుల చట్టం, మాదక ద్రవ్యాల నిరోద చట్టం పై అవగాహన కల్పించారు. అంతకుముందు కలెక్టర్ అన్ని మండలాల తహసీల్దర్లతో సోలార్ పవర్ ప్లాంట్, ధరణి పెండింగ్లు తదితర అంశాలపై గూగుల్ మీట్ ద్వారా సమీక్ష నిర్వహించారు.
