కరీంనగర్ సిటీ, వెలుగు: పెండింగ్లో ఉన్న స్కాలర్షిప్లు, ఫీజు రీయింబర్స్మెంట్ను తక్షణమే విడుదల చేయాలని ఎస్ఎఫ్ఐ ఆధ్వర్యంలో విద్యార్థులు శుక్రవారం కరీంనగర్కలెక్టరేట్ ను ముట్టడించారు. అంతకుముందు నగరంలోని తెలంగాణ చౌక్‍ నుంచి కలెక్టరేట్ వరకు భారీ ర్యాలీ నిర్వహించారు. ఈ సందర్భంగా జిల్లా కార్యదర్శి రజనీకాంత్ మాట్లాడుతూ ప్రభుత్వం రెండోసారి అధికారంలోకి వచ్చినప్పటి నుంచి విద్య రంగాన్ని బ్రష్టు పట్టించిందన్నారు.
రెండేళ్ల నుంచి విద్యార్థికి స్కాలర్షిప్, ఫీజు రియింబర్స్మెంట్ విడుదల చేయకపోవడంతో విద్యార్థులను ప్రైవేట్ కాలేజీల యాజమాన్యాలు వేధిస్తున్నాయన్నారు. ప్రభుత్వానికి ఎన్నికలపై ఉన్న శ్రద్ధ విద్యార్థుల భవిష్యత్మీద లేదని మండిపడ్డారు. డిమాండ్లు పరిష్కరించకపోతే పెద్దఎత్తున ఆందోళన చేస్తామని హెచ్చరించారు. కార్యక్రమంలో జిల్లా అధ్యక్షులు గజ్జల శ్రీకాంత్, ఉపాధ్యక్షులు అరవింద్, రోహిత్, విద్యార్థులు పాల్గొన్నారు.
