భద్రాద్రికొత్తగూడెం, వెలుగు : లెప్రసీ, పల్స్ పోలియో సర్వేలకు సంబంధించిన పెండింగ్ డబ్బులివ్వాలని డిమాండ్ చేస్తూ ఆశా వర్కర్స్బుధవారం భద్రాద్రికొత్తగూడెం కలెక్టరేట్ ఎదుట ధర్నా చేశారు. ఈ సందర్భంగా యూనియన్ రాష్ట్ర ఉపాధ్యక్షుడు ఎంవీ అప్పారావు, సీఐటీయూ జిల్లా ఉపాధ్యక్షుడు రవి కుమార్ మాట్లాడారు. మూడేండ్లుగా పెండింగ్లో ఉన్న డబ్బులను ఇచ్చామని ఉన్నతాధికారులు చెబుతున్నారని, డీఎంహెచ్వోలు మాత్రం ఇవ్వలేదని చెబుతున్నారన్నారు.
ఆ సర్వేల డబ్బులు ఇస్తేనే కొత్త సర్వేలు చేపడుతామంటూ స్పష్టం చేశారు. ఆశాలకు రూ. 18వేలు జీతం ఇవ్వాలని, ఈఎస్ఐ, పీఎఫ్ చెల్లించాలని డిమాండ్ చేశారు. ఈ ప్రోగ్రాంలో యూనియన్ నేతలు పద్మ, ధనలక్ష్మి, జయ, రుక్మిణి, విజయ, సుశీల, చంద్రకళ పాల్గొన్నారు.
