ఓటీటీలోకి వచ్చే సినిమాల సంఖ్య రోజురోజుకు పెరుగుతుంది. ప్రైమ్, నెట్ఫ్లిక్స్, డిస్నీ, జీ5 వంటి ఓటీటీ ప్లాట్ ఫామ్స్ లో వారానికి 20కి పైగా సినిమాలు, సిరీస్ లు వచ్చి సందడి చేస్తున్నాయి. ఈ క్రమంలో నెట్ఫ్లిక్స్ కొత్త సినిమా వెబ్ సిరీస్ ప్రకటిస్తూ టీజర్ రిలీజ్ చేసింది. ఈ వెబ్ సిరీస్ కు 'డబ్బా కార్టెల్' అని టైటిల్ ఫిక్స్ చేశారు. హితేష్ భాటియా దర్శకత్వం వహించారు. డబ్బా కార్టెల్ను ఫర్హాన్ అక్తర్ మరియు రితేష్ సిద్వానీ ఎక్సెల్ ఎంటర్‌టైన్‌మెంట్ నిర్మించారు.
డబ్బా కార్టెల్ టీజర్:
ఈ 'డబ్బా కార్టెల్' వెబ్ సిరీస్లో బాలీవుడ్ సీనియర్ నటి షబానా అజ్మీ లీడ్ రోల్లో నటిస్తుంది. ఆమెతోపాటు మరో సీనియర్ నటి జ్యోతిక, షాలిని పాండే ముఖ్యమైన పాత్రల్లో కనిపిస్తున్నారు. నేడు జనవరి 31న టీజర్ విడుదల చేయగా.. ఫిబ్రవరి 28న స్ట్రీమింగ్కి రానుంది.
క్రైమ్ థ్రిల్లర్ వెబ్ సిరీస్కు కేరాఫ్ అయిన నెట్ఫ్లిక్స్ ఈ డబ్బా కార్టెల్ను వినూత్న కాన్సెప్ట్తో తీసుకురానుంది. నాలుగు డబ్బులు సంపాదించడానికి లంచ్ సప్లై చేసే ఐదుగురు మహిళలు అనుకోకుండా ఓ డ్రగ్స్ రాకెట్ బారిన పడితే ఎలా ఉంటుందన్నది ఈ వెబ్ సిరీస్ స్టోరీ.
అయితే, ప్రతి ఇండస్ట్రీ నుండి నటి నటులను ఎంచుకుని భారీ హైప్ పెంచారు. హిందీ నుండి షబానా అజ్మీ, గజరాజ్ రావ్, లిలెట్ దూబే, అంజలి ఆనంద్, మరాఠీ నుండి సాయి తంహంకర్, తెలుగు నుండి షాలినీ పాండే, బెంగాలీ నుండి జిషు సేన్‌గుప్తా, తమిళం నుండి జ్యోతిక మరియు మలయాళం నుండి నిమిషా సజయన్ ఉన్నారు.
Aaj dabbe mein kya hai? 🍴
— Netflix India (@NetflixIndia) January 31, 2025
Watch Dabba Cartel, out 28 February, only on Netflix.#DabbaCartelOnNetflix pic.twitter.com/UzoKq5C6je
డబ్బా కార్టెల్ స్టోరీ
లేటెస్ట్ గా రిలీజ్ చేసిన టీజర్ చాలా తీవ్రమైన డ్రామా, రహస్యాలు మరియు అబద్ధాలతో నిండి ఉంది. వివిధ రంగాలకు చెందిన అమాయకంగా కనిపించే మధ్యతరగతి మహిళలు డాబా సేవ (ముంబైలో ప్రసిద్ధ టిఫిన్ సేవ) వ్యాపారంలో పాల్గొంటారు. కానీ వీరి దగ్గర కంటికి కనిపించే దానికంటే డబ్బాలు ఎక్కువ ఉండటంతో కథలో మలుపు కనిపిస్తుంది. ఓ సాధారణ టిఫిన్ సర్వీస్ నడిపించే మహిళలు డ్రగ్స్ అక్రమ రవాణాలో చిక్కుకోవడం, వీరితో పాటు ఓ ఫార్మాసూటికల్ కంపెనీలో పని చేసే ఉద్యోగులు సైతం ఇందులో ఉన్నారని తెల్వడం సిరీస్ పై హైప్ క్రియేట్ చేసింది.ఈ సాధారణ మహిళలు వ్యాపారం కోసం ఎంత దూరం వెళతారనేది స్టోరీ.
