నిజామాబాద్, వెలుగు: రోడ్డు మధ్యలో డివైడర్నిర్మించి, సెంట్రల్ లైటింగ్ఏర్పాటు చేయగానే అభివృద్ధి జరిగినట్లవుతుందా అని అర్బన్ కాంగ్రెస్ అభ్యర్థి షబ్బీర్అలీ ప్రశ్నించారు. ఇండ్లు లేక పేద కుటుంబాలు అవస్థలు పడుతుండగా సీఎం కేసీఆర్ మాత్రం 150 గదులతో ప్రగతి భవన్ నిర్మించుకున్నాడన్నారు. తెలంగాణ సాధించిందే కేసీఆర్ కుటుంబం కోసం అన్నట్లు బీఆర్ఎస్ లీడర్లు ప్రవర్తిస్తున్నారన్నారు. సోమవారం ఆయన ఎన్నికల ప్రచారంలో భాగంగా కార్నర్మీటింగ్లో మాట్లాడారు.
మహిళా రిజర్వేషన్ గురించి గొప్పగా ఉపన్యాసాలిచ్చే ఎమ్మెల్సీ కవిత, తన తండ్రి కేసీఆర్ను ఒప్పించి సిటీలో మహిళా డిగ్రీ కాలేజీ ఎందుకు తేలేదన్నారు. తాను గెలిస్తే అభివృద్ధి ఏమిటో చూయిస్తానన్నారు. సోనియా గాంధీ ప్రకటించిన ఆరు గ్యారంంటీలతో పేదలు ఇండ్లు నిర్మించుకోడానికి రూ.5 లక్షలు అందిస్తామన్నారు. గంజ్లోని గుమస్తా, హమాలీ సంఘ సభ్యులతో ఏర్పాటు చేసిన ఆత్మీయ సమావేశంలోనూ షబ్బీర్పాల్గొని మాట్లాడారు. వారి సంక్షేమానికి బోర్డు ఏర్పాటు చేసి పింఛన్ సౌకర్యం కల్పించేలా కృషి చేస్తానన్నారు.
