- అనూహ్యంగా తెరపైకి..
- ఆకుల లలితను నియంత్రించడానికి ఎత్తుగడ
నిజామాబాద్, వెలుగు: నిజామాబాద్ అర్బన్ నుంచి కాంగ్రెస్అభ్యర్థిగా మాజీ మంత్రి షబ్బీర్అలీ పేరు అనూహ్యంగా తెరమీదకు వచ్చింది. మైనార్టీ ఓటర్లు అధికంగా ఉన్న ఈ సెగ్మెంట్ నుంచి ఆయన్ను బరిలో దింపాలని హైకమాండ్ యోచిస్తున్నట్లు తెలుస్తోంది. కామారెడ్డి నుంచి సీఎం కేసీఆర్ పోటీ చేస్తున్నందున సుముఖంగా లేరన్న ప్రచారం జరుగుతోంది. మాజీ ఎమ్మెల్యే ఆకుల లలిత అర్బన్టికెట్ కోసం పైరవీలు చేస్తున్న నేపథ్యంలో ఆమెను నియంత్రించడానికే జిల్లా ముఖ్య నేతలు ఈ ప్రతిపాదనను తెరమీదకు తెచ్చారన్న చర్చ కూడా సాగుతోంది.
ట్విస్టుల మీద ట్విస్టులు..
ఉమ్మడి జిల్లాలోని మూడు సెగ్మెంట్లకు మాత్రమే కాంగ్రెస్ ఫస్ట్లిస్ట్లో క్యాండిడేట్లను ప్రకటించింది. కామారెడ్డి నుంచి షబ్బీర్అలీ పేరు ఉంటుందని అంతా భావించారు. కానీ ఆయనకు టికెట్ కన్ఫమ్కాకపోవడం పార్టీలో చర్చకు దారి తీసింది. ఆయన కామారెడ్డి నుంచి కాకుండా ఎల్లారెడ్డి నుంచి పోటీ చేయాలని భావిస్తున్నట్లు ప్రచారం జరిగింది. అయితే అక్కడ సుభాష్రెడ్డి, మదన్మోహన్మధ్య పంచాది తేలక పార్టీ స్టేట్లీడర్లు తలలు పట్టుకుంటున్నారు. ఎల్లారెడ్డిలో షబ్బీర్కు చాన్స్ఇస్తే వారిద్దరి నుంచి సమస్య వస్తుందని పార్టీ నేతలు భావిస్తున్నారు.
దీంతో మైనార్టీ ఓటర్లు అధికంగా ఉన్న అర్బన్నుంచి షబ్బీర్ను బరిలో దింపాలని జిల్లాకు చెందిన సీనియర్ నేత ప్రతిపాదించగా, హైకమాండ్ కూడా సానుకూలంగా స్పందించినట్లు తెలుస్తోంది. అర్బన్ నుంచి 12 మంది లీడర్లు టికెట్ కోసం అప్లికేషన్లు పెట్టుకున్నారు. బీసీ వర్గానికి చెందిన అభ్యర్థినే ఇక్కడ పోటీ చేయించాలన్న డిమాండ్ను లీడర్లు మొదటి నుంచి వినిపించారు. దరఖాస్తుల వడబోత అనంతరం టీపీసీసీ వర్కింగ్ప్రెసిడెంట్మహేశ్గౌడ్, మాజీ మేయర్ సంజయ్పేర్లను అధిష్టానం ఢిల్లీకి పంపింది. అయితే ఫస్ట్లిస్ట్ క్యాండిడేట్ల ప్రకటనకు ముందు అర్బన్లో మైనార్టీ నేతకు ఛాన్స్ఇవ్వాలనే ప్రపోజల్ వచ్చింది.
2018 ఎన్నికల్లో పోటీ చేసి ఓడిపోయిన తాహెర్బిన్హందాన్ పేరును హైకమాండ్ పరిశీలించింది. ఇంతలో బీఆర్ఎస్అర్బన్ టికెట్ఆశించి భంగపడ్డ మాజీ ఎమ్మెల్యే ఆకుల లలిత గులాబీ పార్టీకి రాజీనామా చేశారు. కాంగ్రెస్అర్బన్ టికెట్భరోసాతో ఆమె బీఆర్ఎస్వీడారనే బలమైన ప్రచారం జిల్లా హస్తం లీడర్లలో ఉంది. స్థానిక క్యాడర్ఆమోదం లేకుండా ఆకుల లలిత ఢిల్లీ స్థాయిలో పావులు కదపడం వారికి నచ్చడం లేదు.
వ్యూహంలో భాగమే..
మాజీ మంత్రి సుదర్శన్రెడ్డితో పాటు మరికొందరు కాంగ్రెస్ లీడర్లు ఇటీవల ప్రెస్మీట్ నిర్వహించి ఆకుల లలితను జిల్లా కాంగ్రెస్ లీడర్లేవరూ ఆహ్వానించలేదని స్పష్టం చేశారు. మున్నూరు కాపు సామాజికవర్గానికి చెందిన మహిళా లీడర్గా ఆకుల లలితకు గుర్తింపు ఉంది. ఆమెను నియంత్రించడంతో పాటు ఆశావహుల సర్దుబాటుకు ఇబ్బందిగా ఉన్న ఈ సెగ్మెంట్నుంచి షబ్బీర్అలీని పోటీ చేయించాలని జిల్లా ముఖ్యనేత ఒకొరు స్టేట్ లీడర్లకు ప్రతిపాదించారు. ఈ ప్రతిపాదన వివిధ దశలు దాటి రాహుల్గాంధీ దాకా వెళ్లినట్లు తెలుస్తోంది.
ALSO READ : వందేండ్ల కరువును దూరం చేశాం : మంత్రి నిరంజన్రెడ్డి
రూరల్లో టెన్షన్..
నిజామాబాద్ రూరల్ సెగ్మెంట్లోనూ ఆశావహుల మధ్య టికెట్ టెన్షన్ పెరిగింది. మాజీ ఎమ్మెల్సీ భూపతిరెడ్డి, మార్కెట్ కమిటీ మాజీ చైర్మన్ నగేశ్రెడ్డి మధ్య నువ్వానేనా అన్నట్లు పోటీ నడుస్తోంది. మాజీ మంత్రి మండవను బరిలో దింపనున్నారనే ప్రచారంతో వీరు హైరానా పడుతున్నారు. ఈ విషయమై భూపతిరెడ్డి టీపీసీసీ ప్రెసిడెంట్ రేవంత్రెడ్డికి రాసిన లెటర్ సోషల్ మీడియాలో వైరలవుతోంది. పార్టీని అంటిపెట్టుకొని ఉన్నవారికి అవకాశం కల్పించాలని ఆయన కోరారు.
