కామారెడ్డి, వెలుగు: కాంగ్రెస్ నుంచి పోటీ చేసి కామారెడ్డిలో కేసీఆర్ను ఓడిస్తానని మాజీ మంత్రి షబ్బీర్అలీ పేర్కొన్నారు. బుధవారం దోమకొండ, బీబీపేట, పాల్వంచ మండలాల్లోని ఆయా గ్రామాలకు చెందిన కుల సంఘాల ప్రతినిధులు జిల్లా కేంద్రంలో షబ్బీర్అలీని కలిశారు. ఈ సందర్భంగా ఆయన మాట్లాడుతూ.. గజ్వేల్, కామారెడ్డి రెండు చోట్ల కేసీఆర్ ఓడిపోవడం ఖాయమన్నారు.
కామారెడ్డిలో సీఎంను పోటీ చేయాలని ఎవరు కోరలేదని, బీఆర్ఎస్నేతలే అలా చెప్పుకుంటున్నారన్నారు. గంప గోవర్ధన్ ఓటమి భయంతోనే తప్పుకోవడం వల్ల, సీఎం కేసీఆర్ పోటీ చేస్తున్నారని ఎద్దేవా చేశారు. కాళేశ్వరం ప్రాజెక్ట్ ప్యాకేజీ 22కు రూ.5 వేల కోట్లు ప్రకటించి కేసీఆర్ఇక్కడికి రావాలని సవాలు విసిరారు. డీసీసీ ప్రెసిడెంట్ కైలాస్ శ్రీనివాస్రావు పాల్గొన్నారు.
