బాలీవుడ్ కింగ్ ఖాన్ షారుఖ్ ఖాన్(Shah rukh khan) హైదరాబాద్ లో అడుగుపెట్టారు. దాదాపు రెండేళ్ల గ్యాప్ తరువాత ఆయన హైదరాబాద్ వచ్చారు. జూన్ 11 సోమవారం ఉదయం ఆయన రాజీవ్గాంధీ ఎయిర్పోర్ట్ లో కనిపించారు. ప్రస్తుతం ఉన్న సమాచారం మేరకు ఒక ప్రముఖ సంస్థ యాడ్ షూట్ కోసం ఆయన హైదరాబాద్ వచ్చినట్టు తెలుస్తోంది. యాడ్ షూట్ అనంతరం అదే రోజు రాత్రి ఆయన ముంబై వెళ్లనున్నారట. ప్రస్తుతం దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి.
ఇక చివరగా జవాన్ సినిమా షూటింగ్ కోసం 2022లో హైదరాబాద్ వచ్చారు షారుఖ్ ఖాన్. ఇప్పుడు దాదాపు రెండేళ్ల గ్యాప్ తరువాత యాడ్ షూట్ కోసం మళ్ళీ వచ్చారు. దీంతో ఈ న్యూస్ సోషల్ మీడియాలో వైరల్ గా మారింది. ఇక షారుఖ్ సినిమాల విషయానికి వస్తే.. ప్రస్తుతం ఆయన తన కూతురు సుహానా ఖాన్ తో ది కింగ్ సినిమా చేస్తున్నారు. యాక్షన్ ఎంటర్టైనర్ గా వస్తున్న ఈ సినిమాను దర్శకుడు సుజోయ్ ఘోష్ తెరకెక్కిస్తున్నారు. ప్రస్తుతం షూటింగ్ దశలో ఉన్న ఈ సినిమా వచ్చే ఏడాది ప్రేక్షకుల ముందుకు వచ్చే అవకాశం ఉంది. మరి భారీ అంచనాల మధ్య వస్తున్న ఈ సినిమా ఎలాంటి విజయాన్ని అందుకోనుందో చూడాలి.
