గ్రౌండ్ లో విరాట్ కోహ్లీని రెచ్చగొడితే ఫలితం ఎలా ఉంటుందో ప్రత్యేకంగా చెప్పాల్సిన అవసరం లేదు. ఎవరైనా కవ్విస్తే కింగ్ మాటతో పాటు బ్యాట్ తోనూ సమాధానం చెబుతాడు. అందుకే కోహ్లీని స్లెడ్జింగ్ చేయాలంటే అందరూ భయపడతారు. అయితే బంగ్లా క్రికెటర్లు మాత్రమ్ విరాట్ ని టార్గెట్ చేశారు. సీనియర్ ప్లేయర్లు ముష్ఫికర్ రహీమ్, షకిబుల్ హసన్ కోహ్లీ గురించి ఆసక్తికర వ్యాఖ్యలు చేశారు.
వరల్డ్ కప్ లో భాగంగా భారత్ నేడు(అక్టోబర్ 19) బంగ్లాదేశ్ తో తలబడాల్సి ఉంది. పుణె వేదికగా జరగనున్న ఈ మ్యాచ్ లో భారత్ హాట్ ఫేవరేట్ గా బరిలోకి దిగుతుంది. అయితే భారత్ కి ఎలాగైనా షాకివ్వాలని చూస్తున్న బంగ్లా కెప్టెన్ షకిబుల్ హసన్ మ్యాచుకు ముందు కోహ్లీపై చేసిన కామెంట్స్ ఇప్పుడు వైరల్ గా మారుతున్నాయి. కోహ్లీని నేను ఐదుసార్లు అవుట్ చేసాను. మల్లి అదే రిపీట్ చేయాలనుకుంటున్నాని చెప్పుకొచ్చాడు. కోహ్లీ ఎంతోమందికి స్ఫూర్తి. విరాట్ వికెట్ తీయడం నాకు ఎంతో ఆనందాన్ని ఇస్తుంది. అని తెలియజేశాడు.
Also Read:- చరిత్ర సృష్టించేందుకు సిద్ధం
కాగా.. బంగ్లా వికెట్ కీపర్ ముష్ఫికర్ రహీమ్ కూడా కోహ్లీ నన్ను స్లెడ్జింగ్ చేస్తాడని.. నేను మాత్రం అతన్ని ఎప్పుడు అలా చేయలేదని తనకు తానుగా గొప్పలు చెప్పుకున్నాడు. మొత్తానికి వరల్డ్ కప్ మ్యాచుకు ముందు ఎవరిని స్లెడ్జింగ్ చేయకూడదో వారితోనే బంగ్లా క్రికెటర్లు పెట్టుకున్నారు. మరి కోహ్లీ వీరిపై ఆధిపత్యం చూపించి వీళ్ళ నోరు మూయిస్తాడేమో చూడాలి. ఇక ఈ వరల్డ్ కప్ లో భారత్ ఆడిన మూడు మ్యాచుల్లో విజయం సాధిస్తే .. బంగ్లాదేశ్ మూడు మ్యాచుల్లో రెండు ఓడిపోయింది.
