'మద్రాస్‌కారన్'.. వాలి మోహన్ దాస్ దర్శకత్వం వహించిన తమిళ లేటెస్ట్ యాక్షన్ చిత్రం. ఈ సినిమాతో మలయాళ నటుడు షేన్ నిగమ్ తమిళ చిత్ర పరిశ్రమలో ఎంట్రీ ఇచ్చాడు. ఇందులో నిహారిక కొణిదెల, ఐశ్వర్య దత్తా, కరుణాస్ మరియు పాండియరాజన్ కీలక పాత్రల్లో నటించారు.
పొంగల్ కానుకగా 'మద్రాస్‌కారన్' మూవీ జనవరి 10, 2025న థియేటర్లలోకి వచ్చి సందడి చేసింది. అయితే, ఈ లేటెస్ట్ రొమాంటిక్ యాక్షన్ మూవీ నెల కాక‌ముందే ఓటీటీకి వచ్చేస్తోంది. తాజాగా మేకర్స్ పోస్టర్ రిలీజ్ చేస్తూ స్ట్రీమింగ్ డేట్ అనౌన్స్ చేశారు.
Also Read :- ఇంకెప్పుడూ ఇండిగో ఎక్కేది లేదు.. మంచు లక్ష్మి ఆగ్రహం
ఫిబ్ర‌వ‌రి 7 నుంచి ఆహా తమిళ్ ఓటీటీలో ఈ మూవీ స్ట్రీమింగ్ కాబోతోన్నట్లు తెలిపారు. థియేట‌ర్ల‌లో రిలీజైన నెల‌రోజుల్లోపే ఈ మూవీ ఓటీటీకి వస్తుండటం ఆసక్తి రేపుతోంది. సామ్ సిఎస్ సంగీతం అందించిన ఈ మూవీని ఎస్ ఆర్ ప్రొడక్షన్స్ బ్యానర్పై జగదీష్ బి నిర్మించారు.
Makkkale oru arumaiyana action block maatirku🤩#madraskaaran from Feb 7 only on #ahaTamil @SR_PRO_OFFL @SamCSmusic @vaali_mohandas@ShaneNigam1 @KalaiActor @IamNiharikaK @Aishwaryadutta6#Karunas @vaali_mohandas #actor_sharan @prasannadop @santhoshchoreo @DreamBig_film_s… pic.twitter.com/GovTbmKNoh
— aha Tamil (@ahatamil) January 27, 2025
ఈ మూవీలో "కాదల్ సడుగుడు" అనే పాట యూట్యూబ్లో ట్రెండ్ క్రియేట్ చేసింది. గ్లామర్ పాత్రలకి దూరంగా ఉన్న నిహారిక ఈ పాటలో బోల్డ్ పెర్ఫార్మన్స్తో రెచ్చిపోయింది. షేన్ నిగమ్ రొమాంటిక్ తో నిహారిక స్టెప్పుల‌తో అద‌ర‌గొట్టింది. ఈ రీమిక్స్ సాంగ్‌లో హీరో హీరోయిన్ల కెమిస్ట్రీ హైలైట్‌గా నిలిచిందని ఆడియన్స్ సైతం పోస్టులు పెడుతూ ట్రెండ్ చేశారు.
ఈ పాటని అప్పట్లో తమిళ్ స్టార్ హీరో మాధవన్, వెటరన్ హీరోయిన్ షాలిని నటించిన సఖి సినిమలోని కైలోవే చేడుగుడు (తెలుగులో అలలే అలలే చిట్టిచిట్టి అలలే) పాటని రీమేక్స్ చేశారు. ఒరిజినల్ ఆస్కార్ అవార్డు గ్రహీత, మ్యూజిక్ డైరెక్టర్ ఏఆర్ రెహ్మాన్ కంపోజ్ చెయ్యగా మరో తమిళ్ మ్యూజిక్ డైరెక్టర్ వి.నందగోపాలన్ రీమిక్స్ చేశాడు.
