బీరూట్: పశ్చిమాసియా దేశాల్లో తీవ్ర ఉద్రిక్తతలు నెలకొన్న వేళ మరో కీలక పరిణామం చోటు చేసుకుంది. లెబనాన్ కేంద్రంగా ఉగ్రవాద కార్యకలాపాలు కొనసాగిస్తోన్న హిజ్బుల్లా మిలిటెంట్ గ్రూప్ తమ కొత్త అధినేతను ఎన్నుకుంది. హిజ్బుల్లా మిలిటెంట్ గ్రూప్ నయా చీఫ్గా షేక్ నయీమ్ ఖాస్సేమ్ ఎన్నికయ్యాడు. కాగా, ఇజ్రాయెల్, హమాస్ మధ్య గత కొన్ని రోజులుగా యుద్ధం జరుగుతోన్న విషయం తెలిసిందే. హమాస్పై ఇజ్రాయెల్ విరుచుకుపడుతుండటంతో ఈ యుద్ధంలోకి హిజ్బుల్లా ఎంట్రీ ఇచ్చింది.
హమాస్కు మద్దతుగా ఇజ్రాయెల్పై హిజ్బుల్లాకు దాడులు చేసి రెచ్చగొట్టింది. దీంతో తీవ్ర ఆగ్రహానికి గురైన ఇజ్రాయెల్ హమాస్తో పాటు హిజ్బుల్లా పైన భీకర దాడులు చేసింది. గత నెలలో లెబనాన్ రాజధాని బీరుట్‌లో ఇజ్రాయెల్ చేసిన మెరుపు దాడుల్లో హిజ్బుల్లా చీఫ్ హసన్ నస్రల్లా హతమయ్యాడు. నస్రల్లా మరణంతో భారీ ఎదురు దెబ్బతిన్న హిజ్బుల్లా హషేమ్ సఫీద్దీన్ చీఫ్గా వస్తాడని ప్రచారం జరిగింది. అయితే, ఇజ్రాయెల్ దాడుల్లో హషేమ్ సఫీద్దీన్ సైతం హతమయ్యాడు. ఈ విషయాన్ని 2024, అక్టోబర్ 23న ఇజ్రాయెల్ డిఫెన్స్ ఫోర్స్ ధృవీకరించింది.
ఇద్దరూ టాప్ లీడర్లను మరణంతో హిజ్బుల్లాకు కొత్త చీఫ్ ఎన్నిక అనివార్యమైంది. దీంతో ప్రస్తుతం హిజ్బుల్లా డిప్యూటీ సెక్రటరీ జనరల్గా ఉన్న నయీమ్ ఖాస్సేమ్ను కొత్త అధిపతిగా ఎన్నుకున్నారు. టైమ్స్ ఆఫ్ ఇజ్రాయెల్ కథనాల ప్రకారం.. ఖాస్సేమ్ నస్రల్లాకు చాలా కాలంగా డిప్యూటీగా పని చేశారు. గత నెలలో నస్రల్లా హత్యకు గురైనప్పటి నుండి హిజ్బుల్లా గ్రూప్ యాక్టింగ్ లీడర్‌గా పనిచేస్తున్నారని వెల్లడించింది. నయీమ్ ఖాస్సేమ్ను రాకతో మరోసారి హిజ్బుల్లా , ఇజ్రాయెల్ మధ్య దాడులు మొదలవుతాయనే ప్రచారం పశ్చిమాసియా దేశాల్లో ఆందోళన రేపుతోంది.
