బాలీవుడ్ స్టార్ హీరోయిన్ శిల్ప శెట్టి, రాజ్ కుంద్రా దంపతులు కర్ణాటకలోని చిక్కమగళూరు జిల్లా బాలెహోన్నూరులోని రంభపురి మఠానికి ఏనుగుని బహుమతిగా ఇచ్చారు. అయితే ఇది నిజమైన ఏనుగు కాదు. అధునాతన టెక్నాలజీతో నిర్మించిన రోబోటిక్ ఏనుగు. ఈ రోబోటిక్ ఏనుగు చూడటానికి అచ్చం నిజమైన ఏనుగులాగా ఉంటుంది.
తొండం, చెవులు, తోక, దంతాలు ఇలా అన్నీ కూడా నిజ ఏనుగు మాదిరిగానే ఉంటాయి. ఈ ఏనుగుకి రంభపురి మఠం పీఠాధిపతి వీర సోమేశ్వర స్వామిజీ స్వాగతం పలికారు. ఐతే ఈ రోబోటిక్ ఏనుగు మఠం ప్రాంగణంలో ఉండి భక్తులను ఆశీర్వదిస్తూ భక్తులను ఆకట్టుకుంటోంది. దీంతో భక్తులు ఈ ఏనుగుని చూడటానికి ఆసక్తిగా వస్తున్నారు. అయితే ఈ రోబోటిక్ ఏనుగుని తయారు చేయడానికి దాదాపుగా రూ .10 లక్షలు ఖర్చు చేసినట్లు సమాచారం.
నటి శిల్ప శెట్టి స్వతహాగా కర్ణాటక రాష్ట్రానికి చెందినప్పటికీ వృత్తి, సినిమా అవకాశాల రీత్యా ముంబైలో సెటిల్ అయ్యింది. ఈ క్రమంలో శిల్ప శెట్టి మొదటగా నిజమైన ఏనుగుని రంభపురి మఠానికి బహుకరించాలని అనుకుంది. కానీ చట్టపరమైన అనుమతులు, వన్య ప్రాణుల సంరక్షణ వంటివాటి కారణంగా ఇది కుదర్లేదు. దీంతో అత్యాధునిక టెక్నాలజీతో తయారు చేసిన రొబోటిక్ ఏనుగుని బహుమతిగా ఇచ్చారు.
ఈ విషయం ఇలా ఉండగా నటి శిల్ప శెట్టి ప్రస్తుతం తన భర్త రాజ్ కుంద్రా తో కలసి ముంబై లో ఉంటోంది. ఈ క్రమంలో మనీలాండరింగ్, అడల్ట్ కంటెంట్ వీడియోల డిస్ట్రిబ్యూటింగ్ వంటివాటిపై ఆరోణనలు ఎదుర్కొంటూ పలు కేసుల్లో నిందితులుగా ఉన్నారు. ఈ క్రమంలో శిల్ప శెట్టి భర్త రాజ్ కుంద్రా గతంలో అరెస్ట్ అయి బెయిల్ మీద రిలీజ్ అయ్యాడు.
