మాంచి జోష్ ఉన్న పాటలకు సౌండ్ తోడైతే వచ్చే మజా మస్తుంటది. లైట్ మ్యూజిక్తో మెలోడీలు వింటే కలిగే ఆ అనుభూతి సూపరుంటది. ఎమోషన్కు ఎమోషన్, జోష్కు జోష్! మనకైతే ఓకే, మరి ఆ ఎంజాయ్మెంట్ వినికిడి సమస్య ఉన్న వాళ్లకు ఎలా వస్తుంది? అలాంటి వాళ్లకోసం లండన్కు చెందిన క్యూట్సర్క్యూట్ అనే కంపెనీ ‘సౌండ్ షర్ట్’ను తయారు చేసింది. ఆ షర్టే వినికిడి సమస్య ఉన్నోళ్లు పాటల్ని ఫీలయ్యేలా చేస్తుంది. అదెట్లా సాధ్యమంటే, అంతా టెక్నాలజీ మహిమ. అవును, బధిరులు సంగీతాన్ని ఎంజాయ్ చేసేలా ఆ షర్ట్లో 16 సెన్సర్లను కంపెనీ పెట్టింది. వేర్వేరు చోట్లున్న ఆ సెన్సర్లు మ్యూజిక్కు తగ్గట్టుగా షర్ట్లో వైబ్రేషన్లను పుట్టిస్తాయి. ఆ వైబ్రేషన్లు ఒంటిని తాకి సంగీతాన్ని ఆస్వాదించేలా చూస్తాయి.
ఇదంతా జరగాలంటే ఆ షర్ట్ను కంప్యూటర్కు కనెక్ట్ చేయాల్సి ఉంటుంది. సంగీతంలోని నోట్స్కు తగ్గట్టు షర్ట్లో ఆ సెన్సర్లను అన్ని చోట్లా పెట్టింది. ఉదాహరణకు బాస్ నోట్స్ను డేటాగా మార్చే సెన్సర్లను తుంటి భాగంలో, వయొలిన్ వంటి వినసొంపైనా నోట్స్ సెన్సర్లను ఛాతి, మెడ భాగంలో పెట్టింది. షర్ట్ను కంప్యూటర్కు కనెక్ట్ చేసిన తర్వాత ఈ సెన్సర్లు రియల్టైం మ్యూజిక్ను డేటాగా మార్చి వైబ్రేషన్ పుట్టిస్తాయి. వైబ్రేషన్ పుట్టినప్పుడు సౌండ్ సిస్టంలో వెలిగినట్టే ఆయా సెన్సర్లున్న చోట లైట్లు కూడా వెలుగుతుంటాయి. సెన్సర్లంటున్నరు, మరి వాటి వైర్లతో ఒంటికి ఇబ్బందిగా ఉండదా అంటే, అలాంటి ఇబ్బందులుండకుండా వైర్లను వాడలేదు. మెత్తటి బట్టతో షర్టును తయారు చేశారు. దీంతో చికాకు జంఝాటం అనేదే ఉండదు. ఈ సౌండ్ షర్టును బధిరులపై ప్రాక్టికల్గా కంపెనీ టెస్టు కూడా చేసింది. వాళ్లంతా సంగీతాన్ని చాలా ఎంజాయ్ చేశారంటోంది. ఆలోచన మంచిదే అయినా, ఆ షర్టుకయ్యే ఖర్చే చాలా ఎక్కువ. అవును, దాని ధర దాదాపు 2 లక్షల 61 వేల రూపాయలు.
