మహారాష్ట్ర: శివసేన యూబీటీ లీడర్ సుష్మా అంధారే హెలికాప్టర్ ల్యాండ్ అవుతూ కుప్పకూలిపోయింది. రాయ్ ఘడ్ లో ఆమెను పికప్ చేసుకునేందుకు వచ్చిన హెలీకాప్టర్ హెలీ ప్యాడ్ లో ల్యాండ్ అవుతుండగా ఈ ప్రమాదం జరిగింది. ప్రమాదంలో సమయంలో శివసేన యూబీటీ నేత సుష్మా హెలికాప్టర్ లో లేకపోవడంతో పెద్ద ప్రమాదం తప్పింది.
మహారాష్ట్రలోని రాయ్ గఢ్ జిల్లాలో శుక్రవారం (మే 3) హెలికాప్టర్ ల్యాండింగ్ సమయంలో కూలిపోయింది. లోక్ సభ ఎన్నికల ప్రచారానికి వెళ్లేందుకు శివసేన యూబీటీ నాయకురాలు సుష్మా అంధారేను పికప్ చేసుకునేందుకు హెలీకాప్టర్ ను ఏర్పాటు చేశారు. ఉదయం 9.30 గంటల సమయంలో మహద్ లోని తాత్కాలిక హెలి ప్యాడ్ పై ల్యాండ్ చేయడానికి ప్రయత్నించినప్పుడు హెలీ కాప్టర్ కూలిపోయింది. ఈ ఘటనలో పైలట్ కు గాయాలయినట్లు పోలీసులు తెలిపారు. ఈ ప్రమాదంలో హెలికాప్టర్ పూర్తిగా ధ్వంసమైంది.
