పాకిస్థాన్ లెజెండరీ పేస్ బౌలర్ స్టార్ షోయబ్ అక్తర్ టీమిండియా మీద ఎప్పుడూ ఏదో ఒక కామెంట్ చేయడం అలవాటుగా మార్చుకున్నాడు. భారత ఆటగాళ్లను రెచ్చగొట్టే కామెంట్లు చేస్తూ వార్తల్లో నిలిచే అక్తర్ తాజాగా అలాంటి కామెంట్ చేసి మరోసారి సోషల్ మీడియాలో వైరల్ గా మారాడు. తన కెరీర్ లో ఎదుర్కున్న కష్టమైనా భారత బ్యాటర్ ఎవరనే విషయం చెప్పి అందరికీ షాకిచ్చాడు.
రావల్పిండి ఎక్స్ ప్రెస్ గా క్రికెట్ లో తనకంటూ ఒక ప్రత్యేక స్థానాన్నిసంపాదించుకున్నాడు అక్తర్. వేగంగా బంతులు విసురుతూఎంతో మంది టాప్ బ్యాటలకు పీడా కలలుగా మారాడు. ఎంతో మంది టీమిండియా దిగ్గజాల వికెట్లు తీసిన అక్తర్.. తన కెరీర్ లో బాగా ఇబ్బంది పెట్టిన బ్యాటర్ గా లక్ష్మీపతి బాలాజీ పేరు చెప్పి అందరిని ఆశ్చర్యపరిచాడు. సచిన్,సెహ్వాగ్, ద్రావిడ్, గంగూలీ, లక్ష్మణ్ లాంటి పేర్లు కాకుండా ఇలా బ్యాటింగ్ రాని బాలాజీ పేరు చెప్పడం కాస్త విడ్డురంగా అనిపించింది.
ఈ సందర్భంగా వేక్ అప్ విత్ సొరభ్' అనే యూట్యూబ్ ఛానెల్‌లో మాట్లాడుతూ " నా గట్టి ప్రత్యర్థి లక్ష్మి పతి బాలాజీ. అతడు నా బౌలింగ్ లో సమర్ధవంతంగా ఎదుర్కొన్నాడు. కానీ నేను అతడిని ఒక్కసారి కూడా అవుట్ చేయలేకపోయాను". అని చెప్పుకొచ్చాడు. మరి అక్తర్ ఈ వ్యాఖ్యలు చేయడం వెనుక అర్ధం ఏంటో అతనికే తెలియాలి.
