గువాహటి: అల్లర్లతో అట్టుడుకుతున్న మణిపూర్లో బిహార్ కూలీలు ఇద్దరిని దుండగులు కాల్చి చంపారు. శనివారం అర్ధరాత్రి మైతీల ప్రాబల్యమున్న కాక్చింగ్ జిల్లాలో ఈ ఘటన జరిగింది. బిహార్లోని గోపాల్ గంజ్ జిల్లాకు చెందిన సునాలాల్ కుమార్(18), దశరథ్ కుమార్(17) కాక్చింగ్ జిల్లాలో భవన నిర్మాణ కార్మికులుగా పని చేస్తున్నారు. శనివారం సాయంత్రం పనికి వెళ్లివస్తుండగా కాక్చింగ్– వాబగై రోడ్డులో దుండగులు వారిని కాల్చి చంపారు. కాగా, మణిపూర్లో తమ రాష్ట్ర కూలీలు హత్యకు గురవడంపై బిహార్ సీఎం నితీశ్ కుమార్ విచారం వ్యక్తం చేశారు. మృతుల కుటుంబాలకు రూ.2 లక్షల ఎక్స్ గ్రేషియా ప్రకటించారు.
