- మెదక్ జిల్లాలో 310 పోస్టులు ఖాళీ
- డీఎస్సీ రిజల్ట్ రావడంతో భర్తీకి అవకాశం
- 1:3 లెక్కన సర్టిఫికెట్ల పరిశీలన
- 9న నియామక పత్రాల జారీ
మెదక్, వెలుగు: సర్కారు బడుల్లో టీచర్ల కొరత తీరనుంది. ప్రభుత్వం టీచర్స్కు ప్రమోషన్స్, ట్రాన్స్ఫర్స్ ప్రక్రియ చేపట్టడంతో స్కూళ్లలో ఖాళీలు ఏర్పడ్డాయి. జిల్లాలోని 21 మండలాల్లోని స్కూళ్లలో స్కూల్ అసిస్టెంట్లు, సెకండరీ గ్రేడ్టీచర్స్ కలిపి 310 పోస్టులు ఖాళీ ఉన్నాయి. ఇందులో ఎస్జీటీ పోస్టులు 178, స్కూల్ అసిస్టెంట్101, లాంగ్వేజ్ పండిట్స్30, పీఈటీ ఒక పోస్ట్ ఖాళీగా ఉంది. ప్రైమరీ, అప్పర్ ప్రైమరీ, హై స్కూళ్లలో టీచర్ల కొరత వల్ల బోధనకు ఆటంకం ఏర్పడుతోంది. సిలబస్ సకాలంలో పూర్తికాక స్టూడెంట్స్నష్ట పోయే పరిస్థితి ఉంది. ఈ నేపథ్యంలో ప్రభుత్వం డీఎస్సీ రిజల్ట్ విడుదల చేయడంతో ఖాళీ టీచర్ పోస్టుల భర్తీకి మార్గం సుగమం అయింది.
ఖాళీలు ఇలా..
సెకండరీ గ్రేడ్ టీచర్స్(ఎస్జీటీ) తెలుగు 136, ఎస్జీటీ ఉర్దూ 20, ఎస్జీటీ స్పెషల్ ఎడ్యుకేషన్ 26, లాంగ్వేజ్ పండిట్హిందీ 15, తెలుగు 13, ఉర్దూ2 , ఫిజికల్ఎడ్యుకేషన్టీచర్స్(తెలుగు) ఒకటి, స్కూల్ అసిస్టెంట్స్ బయోలాజికల్ సైన్ (తెలుగు) 18, ఉర్దూ ఒకటి, ఇంగ్లీష్11, హిందీ 4, మ్యాథమెటిక్స్ (తెలుగు) 17, మ్యాథమెటిక్స్ ఉర్దూ ఒకటి, ఫిజికల్ ఎడ్యుకేషన్ (తెలుగు) 2, ఫిజికల్ సైన్స్ (తెలుగు) 7, ఫిజికల్ సైన్స్ ఉర్దూ ఒకటి, స్పెషల్ ఎడ్యుకేషన్ (తెలుగు) 9, సోషల్ స్టడీ (తెలుగు) 24, సోషల్స్టడీ (ఉర్దూ) ఒకటి, తెలుగు 4, ఉర్దూ ఒక పోస్ట్ ఖాళీగా ఉన్నాయి.
సర్టిఫికెట్ల పరిశీలన
2023–- 24 డీఎస్సీ రిజల్ట్ఇటీవల విడుదలయ్యాయి. జిల్లాలో మొత్తం 310 ఖాళీలు ఉండగా క్వాలిఫై అయిన అభ్యర్థులను 1:3 లెక్కన సర్టిఫికెట్ల పరిశీలనకు పిలిచారు. మెదక్లో డీఈవో పర్యవేక్షణలో సర్టిఫికెట్ల పరిశీలన ప్రక్రియ కొనసాగుతోంది. ఈనెల 5వ తేదీ వరకు ప్రక్రియ కొనసాగనుంది. ఈ నెల 9న ఎంపికైన అభ్యర్థులకు ఉద్యోగ నియమాక పత్రాలు అందిస్తారు.
