బోధన్, వెలుగు: కుట్టు శిక్షణలో మహిళలు మెలకువలు నేర్చుకొని ఉపాధి పొందాలని ఎమ్మెల్యే పి.సుదర్శన్రెడ్డి సూచించారు. బుధవారం బోధన్ పట్టణంలోని రాకాసిపేట్లో నేషనల్ అకాడమీ ఆఫ్ కన్స్క్షన్ ఆధ్వర్యంలో మహిళలకు టైలరింగ్లో శిక్షణ ఇచ్చారు. మూడు నెలల పాటు శిక్షణ పూర్తిచేసుకున్న వారికి కుట్టుమిషన్లు పంపిణీ చేశారు. ఈసందర్భంగా ఎమ్మెల్యే మాట్లాడుతూ మహిళలు టైలరింగ్శిక్షణ తరగతులను సద్వినియోగం చేసుకోవాలన్నారు. అనంతరం భవన నిర్మాణ కార్మికులకు సామగ్రిని పంపిణీ చేశారు. తర్వాత ప్రభుత్వ జూనియర్ కాలేజీ ఆవరణలోని హైస్కూల్ను సందర్శించారు.
అక్కడ బాత్రూమ్లు, వంటగదిని పరిశీలించారు. వంటగదికి కావలసిన షెడ్డు నిర్మాణం చేపట్టాలన్నారు. కార్యక్రమంలో మున్సిపల్ చైర్పర్సన్ పద్మావతి, ఉర్దూ అకాడమీ చైర్మన్ తాహేర్ బిన్, గ్రంథాలయ చైర్మన్ అంతిరెడ్డి రాజిరెడ్డి, డీసీసీ డెలిగేట్ గంగాశంకర్, కాంగ్రెస్ పార్టీ మండల అధ్యక్షుడు నాగేశ్వరరావు, మున్సిపల్ కమిషనర్ వెంకట నారాయణ, నాయకులు
పాల్గొన్నారు.
