మహదేవపూర్, వెలుగు: జాతీయ స్థాయిలో చర్చకు తెర తీసిన జయశంకర్ భూపాలపల్లి జిల్లా మహదేవపూర్ పోలీస్ స్టేషన్ లో కాంగ్రెస్ లీడర్ డ్యాన్స్ చేసిన ఘటనను ఆ పార్టీ సీరియస్ గా తీసుకుని, షోకాజ్ నోటీస్ ఇచ్చింది. స్టేషన్ లో పనిచేస్తున్న సిబ్బందిపై జిల్లా ఎస్పీ కిరణ్ ఖరే క్రమశిక్షణ చర్యలు తీసుకున్నారు.
మహదేవపూర్ పోలీస్ స్టేషన్ లో కాంగ్రెస్ కార్యకర్త గుడాల శ్రీనివాస్ డ్యాన్స్ చేసిన వీడియో సోషల్ మీడియాలో వైరల్ కావడంతో, కాంగ్రెస్ భూపాలపల్లి జిల్లా అధ్యక్షుడు ఐత ప్రకాశ్రెడ్డి నోటీసులు జారీ చేశారు. వీడియో వైరల్ కావడం వల్ల పార్టీ ప్రతిష్టకు భంగం కలిగిందని, ఏడు రోజుల్లో సంజాయిషీ ఇవ్వాలంటూ నోటీసులో పేర్కొన్నారు.
