సినిమా హిట్ ఇచ్చే కిక్కు మామూలుగా ఉండదు.. ఓ రేంజ్ లో ఉంటుంది అనటానికి బాలీవుడ్ బ్యూటీ శ్రద్ధాకపూర్ మరోసారి ఫ్రూవ్ చేస్తుంది. స్త్రీ 2 మూవీ హిట్ కావటమే కాకుండా.. వందల కోట్ల కలెక్షన్స్ వచ్చి పడ్డాయి.. ఆ మూవీలో కీలక పాత్రలో నటించిన శ్రద్దాకపూర్ లైఫ్ స్టయిల్ మరో రేంజ్ లోకి వెళ్లింది ఇప్పుడు.
ముంబై మహా నగరంలోనే అత్యంత ఖరీదైన ఏరియా జూహూ. ఇక్కడ సముద్రానికి ఎదురుగా అత్యంత ఖరీదైన అపార్ట్ మెంట్ ఉంది. అందులో 100 కోట్ల రూపాయల విలువైన ప్లాట్.. హీరో హృతిక్ రోషన్ కు ఉంది. ఇప్పుడు ఆ అపార్ట్ మెంట్ ను అద్దెకు తీసుకుంటుంది శ్రద్ధాకపూర్. ఇంత ఖరీదైన అపార్ట్ మెంట్ లోకి శ్రద్ధా మారటం ఇప్పుడు బాలీవుడ్ సినీ ఇండస్ట్రీలో హాట్ టాపిక్ అయ్యింది.
ఇదే అపార్ట్ మెంట్ లో అక్షయ్ కుమార్ ఫ్యామిలీతో ఉంటున్నాడు. ఆ పక్క ఫ్లాట్ లోకి ఇప్పుడు శ్రద్ధ అద్దెకు ఎంట్రీ ఇస్తున్నారు. మరో విశేషం ఏంటంటే.. స్త్రీ 2 మూవీలో అక్షయ్ కుమార్ కూడా నటించారు.
హృతిక్ రోషన్ కు చెందిన ఈ లగ్జరీ డ్యూప్లెక్స్ అపార్ట్ మెంట్ ప్లాట్ లోకి వరుణ్ ధావన్ వస్తారని ప్రచారం జరిగింది. అది నిజం కాదని.. శ్రద్ధాకపూర్ అద్దెకు దిగుతున్నారని ఇప్పుడు వార్తలు వస్తున్నాయి.
ఇంతకీ అద్దె ఎంత అంటారా.. కచ్చితంగా కాకపోయినా.. కనీసంలో కనీసం నెలకు 10 లక్షల రూపాయల వరకు ఉండొచ్చని చెబుతున్నారు. ఏదిఏమైనా స్త్రీ 2 మూవీ హిట్ తో శ్రద్ధాకపూర్ తన కొత్త లైఫ్ స్టయిల్ స్టార్ట్ చేసింది అనుకోవచ్చు..
