ముంబై : చిన్న టార్గెట్‌‌ను కాపాడుకునే క్రమంలో చివర్లో అద్భుతంగా పుంజుకున్న ఇండియా–ఎ విమెన్స్ టీమ్ ఇంగ్లండ్–ఎ జట్టుతో తొలి టీ20 మ్యాచ్‌‌లో థ్రిల్లింగ్ విక్టరీ సాధించింది. మూడు టీ20ల సిరీస్‌‌లో భాగంగా బుధవారం జరిగిన మొదటి మ్యాచ్‌‌లో 3 రన్స్ తేడాతో ఇంగ్లండ్‌‌ను ఓడించింది. టాస్‌ నెగ్గి బ్యాటింగ్‌‌కు వచ్చిన ఇండియా నిర్ణీత 20 ఓవర్లలో 134/7 స్కోరు చేసింది. దీక్షా కసట్ (25), దినేశ్ వ్రిందా (22), దివ్య (22) రాణించారు.
ప్రత్యర్థి బౌలర్లలో ఫ్రెయా కెంప్, చార్లీ డీన్ రెండేసి వికెట్లు పడగొట్టారు. అనంతరం ఛేజింగ్‌‌లో ఓవర్లన్నీ ఆడిన ఇంగ్లండ్ 131/8 స్కోరు మాత్రమే చేసి ఓడింది. హోలీ అర్మిటగె (52), సరెన్ స్మేల్ (31) పోరాడినా ఫలితం లేకపోయింది. ఇండియా బౌలర్లలో కశ్వీ గౌతమ్, శ్రేయాంక పాటిల్ రెండేసి వికెట్లతో రాణించారు. శ్రేయాంక ప్లేయర్ ఆఫ్ ద మ్యాచ్గా నిలిచింది. ఇరు జట్ల మధ్య శుక్రవారం రెండో టీ20 జరుగుతుంది.
