యోగా గురు రాందేవ్ బాబా కోపానికి వచ్చిన వీడియో ఒకటి వైరల్‌గా మారింది. లైవ్‌లోనే ఓ జర్నలిస్టుపై అసహనం వ్యక్తం చేస్తూ.. నీకే మంచిది కాదంటూ బెదిరించిన వీడియో సోషల్ మీడియాలో వైరల్ అవుతోంది. హర్యానా కర్నాల్‌లోని ఓ కార్యక్రమంలో రాందేవ్ పాల్గొన్నారు. ఈ సందర్భంగా 2014లో రాందేవ్ చేసిన వ్యాఖ్యలపై ఓ జర్నలిస్టు ప్రశ్చించారు. లీటర్ పెట్రోల్ 40 రూపాయలు, గ్యాస్ సిలిండర్ 300 రూపాయలకు ఇచ్చే ప్రభుత్వాన్నే ఎన్నుకోవాలని 2014 లో ప్రజల్ని కోరిన విషయాన్ని గుర్తు చేసి.. ప్రస్తుతం పెరుగుతున్న పెట్రోల్, గ్యాస్ ధరలపై రాందేవ్‌ను ఆయన ప్రశ్నించారు. దీంతో.. ‘‘అవును.. చెప్పాను.. అయితే ఇప్పుడు ఏం చేయమంటారు? ఇలాంటి ప్రశ్నలు మళ్లీ మళ్లీ అడగకండి.. నేనేమీ.. మీ కాంట్రాక్టర్‌‌ను కాదు. అన్ని ప్రశ్నలకు ఆన్సర్ చేయాల్సిన అవసరం లేదు’’ అని అన్నారు. అయినా మరోసారి జర్నలిస్టు ఇదే క్వశ్చన్ అడగ్గా.. ‘‘ఇప్పుడేం చేస్తావు..? మళ్లీ ఈ క్వశ్చన్ అడగకు.. ఇది నీకే మంచిది కాదు. మీ పెరెంట్స్‌కు నువ్వు మంచి కొడుకుగా ఉండాలి” అంటూ జర్నలిస్టుకు రాందేవ్ వార్నింగ్ ఇచ్చారు.
2014 से पहले बाबा रामदेव जोर शोर से भाजपा के लिए प्रचार करते थे। भाजपा को वोट देने और ₹40 प्रति लीटर पेट्रोल पाने का वादा करते थे। आज पेट्रोल 100के पार है। पत्रकार ने जब सवाल किया तो पत्रकार को धमकी देने लगे। शर्मनाक। आइए बाबा के सभी प्रोडेक्ट का बहिष्कार करें। #BoycottPatanjali pic.twitter.com/FzfZ41Xg9P
— Hansraj Meena (@HansrajMeena) March 30, 2022
