హైదరాబాద్ లో డ్రంక్ అండ్ డ్రైవ్ నిర్వహిస్తున్న ట్రాఫిక్ సిబ్బందికి సిద్దిపేట ట్రాఫిక్ ఏసీపీ ఆటంకం కలిగించాడు. మధురానగర్ లో బుధవారం డ్రంక్ అండ్ డ్రైవ్ తనిఖీల్లో సిద్దిపేట ట్రాఫిక్ ఏసీపీ సుమన్ కుమార్ వీరంగం సృష్టించారు. తానూ డిపార్ట్ మెంటే అని నా బండే ఆపుతావా అంటూ.. ట్రాఫిక్ సిబ్బందిపై దురుసుగా ప్రవర్తించాడు. ఆయన ప్రయాణించిన కారు డ్రైవింగ్ చేసిన వ్యక్తికి బ్రీత్ ఎనలైజర్ టెస్ట్ చేయడానికి నిరాకరించాడు. ఏసీపీ సుమన్ కుమార్ కారు పక్క సీటులో కూర్చోగా.. డ్రైవింగ్ చేసిన వ్యక్తి మద్యం సేవించినట్లు పోలీసులు చెప్తున్నారు. అక్కడున్న ట్రాఫిక్ సిబ్బంది పోలీసులతో ఏసీపీ వాగ్వాదానికి దిగారు. తాగి వాహనం నడుపుతున్న వారికి సపోర్ట్ గా మాట్లాడారు. ట్రాఫిక్ పోలీసులతో వాగ్వాదానికి దిగడంతో ఏసీపీని, అతని డ్రైవర్ ను పోలీసులు అదుపులోకి తీసుకున్నారు.
