ఈ ఏడాది ప్రారంభంలో ‘టిల్లు స్క్వేర్’తో సక్సెస్‌‌‌‌ను అందుకున్న సిద్దు జొన్నలగడ్డ.. ప్రస్తుతం ‘తెలుసు కదా’ అనే చిత్రంలో నటిస్తున్నాడు. ప్రముఖ స్టైలిస్ట్ నీరజ కోన ఈ చిత్రంతో దర్శకురాలిగా పరిచయం అవుతోంది. తాజాగా ఈ మూవీ ఫస్ట్ షెడ్యూల్ పూర్తయింది. దీంతో 50 శాతం షూటింగ్ కంప్లీట్ అయిందని, ఇప్పటివరకు వచ్చిన అవుట్‌‌‌‌పుట్‌‌‌‌తో హ్యాపీగా ఉన్నామని మేకర్స్ చెప్పారు. నెక్స్ట్ లెంగ్తీ షెడ్యూల్ కోసం సిద్ధమవుతున్నట్టు చెప్పారు.
ఇందులో కంప్లీట్ న్యూ అండ్ స్టైలిష్ అవతార్‌‌‌‌లో సిద్దు కనిపించనున్నాడు. రాశీ ఖన్నా, శ్రీనిధి శెట్టి హీరోయిన్స్‌‌‌‌గా నటిస్తున్నారు. వైవా హర్ష కీలకపాత్ర పోషిస్తున్నాడు. పీపుల్ మీడియా ఫ్యాక్టరీ బ్యానర్‌‌‌‌‌‌‌‌పై టీజీ విశ్వప్రసాద్ నిర్మిస్తున్నారు. వివేక్ కూచిభొట్ల కో ప్రొడ్యూసర్. తమన్ సంగీతం అందిస్తున్నాడు.
