ఏకాదశి .. ఇది హిందువులకు చాలా ప్రత్యేకమైన రోజు... ప్రతి ఏకాదశికి ఒక విశిష్టత ఉంటుంది. అయితే ఆషాఢమాసం కృష్ణ పక్షంలో వచ్చే ఏకాదశిని పురాణాల్లో కామికా ఏకాదశిగా రుషి పుంగవులు పేర్కొన్నారు. అంతే కాదు ఆ రోజు ( జులై 31) పరమేశ్వరుడు భూలోకంలో విహరిస్తాడని స్కంద పురాణంలో మహర్షులు తెలిపారు. ఈ ఏడాది జులై 31న మూడు యోగాలు ఏర్పడనున్నాయి.
కామికా ఏకాదశి వ్రత మహిమ గురించి పురాణ గ్రంథాలలో ఉంది. ఏకాదశి వ్రతం వల్ల తెలిసి తెలియకుండా చేసిన పాపాలన్నీ నశిస్తాయి. అదే సమయంలో సాధకుడి కోరికలన్నీ నెరవేరుతాయి. అందుచేత వైష్ణవ సమాజానికి చెందిన వారు ఆచారాల ప్రకారం ఏకాదశి తిథి నాడు లోక సంరక్షకుడైన శ్రీమహావిష్ణువును పూజిస్తారు.
హిందూ క్యాలెండర్ ప్రకారం ప్రతి సంవత్సరం ఆషాఢ మాసంలో కృష్ణ పక్షంలో వచ్చే ఏకాదశిని కామిక ఏకాదశి అంటారు. ఈ ఏకాదశి పండుగను చాలా ఉత్సాహంగా జరుపుకుంటారు. ఈ పండుగ విష్ణుమూర్తికి అంకితం చేయబడినప్పటికీ.. పరమేశ్వరుడు భూలోకంలో సంచరిస్తాడు.
శ్రీ మహా విష్ణువు ,సంపదల దేవత అయిన లక్ష్మీదేవిని ప్రత్యేకంగా పుజిస్తారు. ఏకాదశి సందర్భంగా ఉపవాసం చేస్తారు. ఆ రోజు ఉదయాన్నే నిద్రలేచి ఇంటిని శుభ్రం చేసుకుంటారు. భక్తులు స్నానం చేసిన అనంతరం ధ్యానం చేస్తారు. ఆచారాలతో లక్ష్మీ నారాయణుడిని పూజిస్తారు. అలాగే ఏకాదశి నాడు ఉపవాసం దీక్ష చేపడతారు.
కామికా ఏకాదశి వ్రత మహిమ గురించి పురాణ గ్రంథాలలో ఉంది. ఏకాదశి వ్రతం వల్ల తెలిసి తెలియకుండా చేసిన పాపాలన్నీ నశిస్తాయి. అదే సమయంలో సాధకుడి కోరికలన్నీ నెరవేరుతాయి. అందుచేత వైష్ణవ సమాజానికి చెందిన వారు ఆచారాల ప్రకారం ఏకాదశి తిథి నాడు లోక సంరక్షకుడైన శ్రీమహావిష్ణువును పూజిస్తారు.
పంచాంగం ప్రకారం ఆషాడ మాసంలోని కృష్ణ పక్ష ఏకాదశి తిథి జూలై 30 సాయంత్రం 04:44 గంటలకు ప్రారంభమై మరుసటి రోజు అంటే జూలై 31 మధ్యాహ్నం 03:55 గంటలకు ముగుస్తుంది. అయితే ఉదయతిథి ప్రకారం జూలై 31న కామికా ఏకాదశి జరుపుకుంటారు. దీని ప్రభావం రోజంతా ఉంటుంది.
ఏకాదశి రోజున ఏర్పడనున్న ప్రత్యేక యాదృచ్ఛికాలు
కామిక ఏకాదశి నాడు ధృవ యోగం ఏర్పడుతోంది. ఈ యోగం మధ్యాహ్నం 02:14 గంటల వరకు ఉంటుంది. జ్యోతిష్యులు ధృవ యోగాన్ని చాలా శుభప్రదంగా భావిస్తారు. ఈ యోగంలో శ్రీ హరివిష్ణువును ఆరాధించడం ద్వారా సాధకులు కోరుకున్న ఫలితాలను పొందుతారు. శుభ కార్యాలలో కూడా విజయం సాధిస్తారు. ఈ రోజున సర్వార్థ సిద్ధి యోగ యాదృచ్ఛికం కూడా ఏర్పడనుంది. సర్వార్థ సిద్ధి యోగం రోజంతా ఉంటుంది. సర్వార్ధ సిద్ధి యోగం సమయంలో శివపరమాత్ముడికి మహన్యసంతో రుద్రాభిషేకం చేసిన వారికి గత ఏడు జన్మలలో చేసిన పాపాలు అన్ని తొలగుతాయని పండితులు చెబుతున్నారు.
శివ్వాస యోగం
కామిక ఏకాదశి రోజున మహాదేవుడు శివుడు కైలాస పర్వతం మీద కూర్చుని ఉంటాడు. ఈ సమయంలో పరమశివుని ప్రతిష్ఠించి పూజించడం ద్వారా సాధకుడు అన్ని రకాల ఆనందాలను పొందుతాడు. పరమశివుడు మధ్యాహ్నం 03:55 వరకు కైలాసంపై ఉంటాడు. దీని తర్వాత నందిపై విహరిస్తాడని విశ్వాసం. రెండు సమయాలు అభిషేకానికి అనుకూలం. ఈ సమయంలో నారాయణుడిని పూజించిన భక్తులు సుఖ సంతోషాలతో జీవిస్తారు.
కామికా ఏకాదశి పూజా విధానం
- కామిక ఏకాదశి రోజున ఉదయం వేళ శ్రీ మహా విష్ణువు అవతారమైన కృష్ణ అవతారాన్ని పూజించండి.
- కన్నయ్యకు పసుపు పువ్వులు, పంచామృతం , తులసి దళాలను సమర్పించండి. పండ్లు కూడా సమర్పించవచ్చు.
- శ్రీకృష్ణుని ధ్యానించండి. అతని మంత్రాలను జపించండి. ఈ రోజు కూడా శివునికి జలంతో అభిషేకం చేయండి.
- సాయంత్రం వేళ రావి చెట్టు కింద ఆవాల నూనె దీపం వెలిగించడం కూడా శుభప్రదం.
- ఈ రోజున ఉపవాసం చేసి.. పండ్లను తినడం వలన ఉత్తమ ఫలితాలను పొందవచ్చు.
- ఆహారం తినవలసి వస్తే సాత్విక ఆహారాన్ని మాత్రమే తినండి. ఈ రోజున మీ మనస్సును భగవంతునిపై కేంద్రీకరించండి.
