న్యూఢిల్లీ: సిల్వర్ ధరలు రోజురోజుకీ పెరుగుతున్నాయి. కేజీ సిల్వర్ రేటు ఢిల్లీలో శుక్రవారం రూ.2,600 పెరిగి రూ.95,900 కు చేరుకుంది. మరోవైపు 10 గ్రాముల గోల్డ్ ధర రూ. 150 పెరిగి రూ.73,650 కి పెరిగింది. హైదరాబాద్లో 10 గ్రాముల గోల్డ్ ధర రూ.73,750 గా, కేజి వెండి ధర రూ.1,00,500 గా ఉంది. గ్లోబల్‌‌‌‌‌‌‌‌గా స్పాట్ గోల్డ్ (కామెక్స్‌) ధర ఔన్సుకి 2,366 డాలర్ల దగ్గర ట్రేడవుతోంది. యూఎస్‌ డాలర్ విలువ తగ్గడంతో గోల్డ్ ధరలు పెరుగుతున్నాయని ఎనలిస్టులు పేర్కొన్నారు.
యూరోపియన్ సెంట్రల్ బ్యాంక్‌ వడ్డీ రేట్లను తగ్గించడంతో మిగిలిన సెంట్రల్ బ్యాంకులు కూడా అదే బాటలో నడుస్తాయనే అంచనాలు ఉన్నాయి. దీంతో గోల్డ్, సిల్వర్ రేట్లు పెరుగుతున్నాయి. గ్లోబల్‌‌‌‌‌‌‌‌గా సిల్వర్ ధర ఔన్సుకి 31.05 డాలర్ల దగ్గర ట్రేడవుతోంది.
