కొత్త ఇన్సెంటివ్​ పాలసీ అమలుకు సింగరేణి ఓకే

• గుర్తింపు సంఘం ఏఐటీయూసీ నేతలు 
• స్ట్రక్చరల్​ మీటింగ్​లో పలు అంశాలపై చర్చ

భద్రాద్రికొత్తగూడెం, వెలుగు : సింగరేణి సంస్థ కార్మికులకు ఇన్సెంటివ్​పాలసీ అమలుకు మేనేజ్ మెంట్ ఒప్పుకుందని గుర్తింపు సంఘం ఏఐటీయూసీ నేతలు తెలిపారు. కొత్తగూడెంలోని ఇల్లెందు క్రాస్​ రోడ్డులోని సింగరేణి బంగ్లాలో ఏఐటీయూసీ నేతలు, సింగరేణి అధికారుల మధ్య గురువారం స్ట్రక్చరల్​మీటింగ్​జరిగింది. ఇందులో సంస్థ డైరెక్టర్,​ ముఖ్య ఆఫీసర్లతో పాటు ఏఐటీయూసీ నేతలు కార్మిక సమస్యలపై చర్చించారు. కంపెనీ సీఎండీ ఎన్​. బలరాం వీడియో కాన్ఫరెన్స్​ద్వారా మాట్లాడారు. సంస్థ ఉత్పత్తి, ఉత్పాదకతలో యూనియన్ల పాత్ర కీలకమని పేర్కొన్నారు.

ఉత్పత్తి  లక్ష్య సాధనకు యూనియన్లు తమ పాత్ర పోషించాలని విజ్ఞప్తి చేశారు.  అనంతరం మీటింగ్​లో చర్చించిన అంశాలను ఏఐటీయూసీ నేతలు యూనియన్​ ప్రెసిడెంట్​వాసిరెడ్డి సీతారామయ్య, జనరల్​సెక్రటరీ కె. రాజ్​కుమార్​ వివరించారు. కార్మికులకు కొత్త ఇన్సెంటివ్​ పాలసీని ప్రవేశపెట్టడంతో పాటు ప్లే డేస్​, పీహెచ్​డీలలో ఎన్–1పాలసీని రద్దు చేయాలని కోరినట్టు తెలిపారు. కోల్​బెల్ట్​ ఏరియా రామగుండంలోని మెడికల్​కాలేజీలో సింగరేణి కార్మికుల పిల్లలకు 25శాతం మెడికల్ సీట్లు రిజర్వ్​చేయాలని సూచించినట్టు పేర్కొన్నారు. 

కార్పొరేషన్ మెడికల్​బోర్డు ద్వారా అండర్​గ్రౌండ్ కు అనర్హులుగా ప్రకటించిన మైనింగ్​స్టాఫ్​, ట్రేడ్స్​మెన్, ఈపీ ఆపరేటర్లకు సూటబుల్​జాబ్​ఇవ్వాలని.. సర్ఫేస్​పై తగిన పని కల్పించాలని.. మెరిట్​స్కాలర్​ షిప్​ను రూ. 50వేలకు పెంచాలని, సింగరేణిలో తొలగించిన జేఎంఈటీలతో పాటు ఇతరులను తిరిగి తీసుకోవాలనే సమస్యలపై చర్చించినట్టు వివరించారు.  స్టాఫ్​కు ప్రమోషన్లు కల్పించాలని,  వీటితోపాటు పలు సమస్యలను మేనేజ్ మెంట్ దృష్టికి తీసుకెళ్లామని తెలిపారు. ఈ సమావేశంలో జీఎం ఐఆర్​అండ్​పీఆర్​ఎం. కవితానాయుడు,  జీఎం ఐఈపీ సురేష్​బాబు, జీఎం వెల్ఫేర్ కె. శ్రీనివాసరావు, యూనియన్ నేతలు పాల్గొన్నారు