భద్రాద్రికొత్తగూడెం, వెలుగు : ఆల్ఇండియా పబ్లిక్ సెక్టార్ అథ్లెటిక్ మీట్లో సింగరేణి ఉద్యోగి కె. మన్విత సిల్వర్ మెడల్ సాధించి కంపెనీ తరఫున రికార్డు సృష్టించారు. ఉత్తరాఖండ్ రాష్ట్రంలోని డెహ్రాడూన్లోని మహారాణా ప్రతాప్ స్పోర్టోస్ కాలేజీలో ఆల్ ఇండియా పబ్లిక్ సెక్టార్ పోటీలు బుధవారం ప్రారంభమయ్యాయి. మూడు రోజుల పాటు ఈ పోటీలు కొనసాగనున్నాయి.
మొదటిరోజే మాన్విత షాట్ఫుట్ విభాగంలో సిల్వర్ మెడల్ సాధించిన సింగరేణి తరఫున మొదటి క్రీడాకారిణి కావడం విశేషం. సిల్వర్ మెడల్ సాధించిన మన్వితను కంపెనీ చైర్మన్, మేనేజింగ్ డైరెక్టర్ ఎన్.బలరాంతో పాటు డైరెక్టర్లు, పలువురు జీఎంలు, ఎస్టేట్ ఆఫీసర్లు అభినందనలు తెలిపారు.
