కోల్బెల్ట్, వెలుగు : బొగ్గు గనుల్లో విధి నిర్వహణ సమయంలో భద్రతతో పనిచేయాలని సింగరేణి జనరల్ మేనేజర్(ఏస్వోటు- ప్రాజెక్టు, ప్లానింగ్ డైరెక్టర్) జి.నాగేశ్వర్రావు, సేఫ్టీ కమిటీ కన్వీనర్ సూర్యనారాయణ రాజు సూచించారు. శుక్రవారం మందమర్రి ఏరియాలోని కాసిపేట అండర్గ్రౌండ్ మైన్, రామకృష్ణాపూర్ సింగరేణి సీహెచ్పీలో వేర్వేరుగా నిర్వహించిన రక్షణ పక్షోత్సవాల్లో ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ ప్రమాద రహిత బొగ్గు ఉత్పత్తి చేపట్టాలని సూచించారు. వ్యక్తిగత ఆరోగ్య పరిరక్షణపై శ్రద్ధ చూపాలన్నారు.
డ్యూటీకి బైక్పై వచ్చే టైమ్లో తప్పనిసరిగా హెల్మెట్ వాడాలని సూచించారు. ఈ సందర్భంగా రక్షణ జెండాను ఎగురవేశారు. కార్మికులతో రక్షణ ప్రతిజ్ఞ చేయించారు. అనంతరం రక్షణ కమిటీ సభ్యులతో కలిసి గని, సీహెచ్పీలను తనిఖీ చేసి రివ్యూ మీటింగ్ నిర్వహించారు. కాసీపేట గని సింగరేణి స్థాయిలో హాలేజీ విభాగంలో, సేఫ్టీ ఆపరేషన్ ప్రొసీజర్ (ఎస్ఓపీ) విభాగంలో మొదటి స్థానం దక్కించుకోవడంతో ట్రోఫీలను అందజేశారు.
కార్యక్రమాల్లో మందమర్రి ఏరియా ఇన్చార్జి జీఎం ఎ.రాజేశ్వర్రెడ్డి, కేకే గ్రూప్ ఏజెంటు రాందాస్, ఏజీఎం(ఈఎం) నాగరాజు, ఆర్కేపీ సీహెచ్పీ డీజీఎం బాలాజీ భగవత్ఝూ, కాసీపేట గని మేనేజర్ అల్లావుద్దీన్ ఏరియా సేఫ్టీ ఆఫీసర్ రవిందర్, ఎస్ఈ చంద్రమౌళి, డీవైఎస్ఈ అశోక్రెడ్డి, కాసీపేట గని సేఫ్టీ ఆఫీసర్ సునీల్, కార్మిక సంఘాల లీడర్లు పాల్గొన్నారు.
