కోల్బెల్ట్, వెలుగు: సింగరేణి కార్మికుల పిల్లలు, పరిసర ప్రాంతాల నిరుద్యోగ యువతకు ఉపాధి మార్గాలను చూపేందుకు యాజమాన్యం కల్పిస్తున్న ఓకేషనల్ ట్రైనింగ్ను సద్వినియోగం చేసుకోవాలని మందమర్రి ఏరియా సింగరేణి జీఎం ఎ.మనోహర్అన్నారు. బుధవారం మందమర్రి సీఈఆర్ క్లబ్లో 2024-25 ఆర్థిక సంవత్సరానికి సంబంధించిన టైలరింగ్, బ్యూటీషీయన్, ఫ్యాషన్ డిజైనింగ్, మగ్గం వర్క్, కంప్యూటర్, స్పోకెన్ ఇంగ్లీష్ కోర్సులను తన సతీమణి, సేవా అధ్యక్షురాలు సవితతో కలిసి జీఎం ప్రారంభించారు.
ఈ సందర్భంగా ఆయన మాట్లాడుతూ.. కోల్బెల్ట్ ప్రాంతంలోని నిరుద్యోగులకు ఉపాధి మార్గాలు కల్పించడంతో కోసం ఏటా ఓకేషనల్ ఫ్రీ కోర్సులు నిర్వహిస్తుందని, ఈ శిక్షణను సద్వినియోగం చేసుకోవాలని సూచించారు. ఈ సందర్భంగా గతేడాది ఆయా కోర్సుల్లో శిక్షణ పూర్తిచేసుకున్న మహిళలు, యువతులకు సర్టిఫికెట్లు అందజేశారు. ఏరియా సింగరేణి పర్సనల్ మేనేజర్ ఎస్.శ్యాంసుందర్, ఏఐటీయూసీ బ్రాంచి సెక్రటరీ సలెంద్ర సత్యనారాయణ, అధికారుల సంఘం ప్రెసిడెంట్ రమేశ్, డీవైపీఎం ఆసిఫ్, ఖాదీ, విలేజ్ ఇండస్ట్రీస్బోర్డు రిజినల్ఆఫీసర్ జె.అనసూయ, సింగరేణి సేవా సమితి కో ఆర్టినేటర్ శివకుమార్ తదితరులు పాల్గొన్నారు.
