- మందమర్రి ఏరియా జీఎం జి.దేవేందర్
- ఉద్యోగులకు ప్రమోషన్ ఆర్డర్స్అందజేత
కోల్బెల్ట్, వెలుగు: సింగరేణి సంస్థ నిర్దేశించిన 72 మిలియన్టన్నుల బొగ్గు ఉత్పత్తిని సాధించేందుకు ప్రతి ఒక్కరూ కృషి చేయాలని.. బొగ్గు ఉత్పత్తి, రవాణాపై సంస్థ మనుగడ, పురోభివృద్ధి ఆధారపడి ఉంటుందని మందమర్రి ఏరియా సింగరేణి జీఎం జి.దేవేందర్ అన్నారు. బుధవారం ఏరియాలోని కాసిపేట-1, 2 బొగ్గు గనులను సందర్శించి నిర్దేశిత ఉత్పత్తి టార్గెట్పై గనుల ఆఫీసర్లతో సమీక్షించారు. విధి నిర్వహణలో ఉద్యోగులు, కార్మికులు రక్షణ సూత్రాలు పాటించి ప్రమాదాలకు గురికాకుండా ఉండాలన్నారు. రోజూవారీ ఉత్పత్తి లక్ష్యాలను కచ్చితంగా సాధించేలా ప్రణాళికతో ముందుకు సాగాలన్నారు.
మైనింగ్ మ్యాప్, ప్లాన్లను పరిశీలించారు. అంతకుముందు ఆయన ఉద్యోగులు, కార్మికులు, ఆఫీసర్లకు న్యూ ఇయర్ శుభాకాంక్షలు తెలిపారు. కాసిపేట2 భూగర్భ గనిలోకి దిగి పని స్థలాలను తనిఖీ చేశారు. గనికి చెందిన ఉద్యోగులకు జీఎం దేవేందర్, కేకే-5 గని ఉద్యోగులకు ఇన్చార్జి మేనేజర్ సీహెచ్.రమేశ్ సర్వీస్ లింక్డ్ ప్రమోషన్స్ఆర్డర్స్ అందజేశారు. ఏరియా సేఫ్టీ ఆఫీసర్ రవీందర్, ఏఐటీయూసీ మందమర్రి, బెల్లంపల్లి బ్రాంచీల సెక్రటరీలు సలెంద్ర సత్యనారాయణ, దాగం మల్లేశ్, గనుల మేనేజర్లు భూశంకరయ్య, లక్ష్మీనారాయణ, పిట్సెక్రటరీలు మీనుగు లక్ష్మీనారాయణ, గొల్ల శ్రీనివాస్ తదితరులు పాల్గొన్నారు.
