- వర్కర్స్ యూనియన్ ప్రెసిడెంట్ సీతారామయ్య
భద్రాద్రికొత్తగూడెం, వెలుగు: సింగరేణి మెడికల్ బోర్డు అవినీతికి కేరాఫ్ అడ్రస్గా మారిందని సింగరేణి కాలరీస్ వర్కర్స్యూనియన్సెంట్రల్కమిటీ ప్రెసిడెంట్వాసిరెడ్డి సీతారామయ్య, జనరల్సెక్రెటరీ రాజ్కుమార్అన్నారు. కొత్తగూడెంలోని శేషగిరిభవన్‌ లో శుక్రవారం యూనియన్ సెంట్రల్ కమిటీ మీటింగ్ జరిగింది. అనంతరం విలేకర్ల సమావేశంలో వారు మాట్లాడుతూ.. సింగరేణి చీఫ్ మెడికల్ఆఫీసర్ పోస్టు కోసం రూ. 2 కోట్లు ఖర్చు పెట్టారనే ప్రచారం సంస్థలో జోరుగా వినిపిస్తోందన్నారు.
కొత్తగూడెంలోని సింగరేణి మెయిన్హాస్పిటల్నుంచి హెడ్డాఫీస్, సింగరేణి భవన వరకు పలువురికి మెడికల్బోర్డులో అక్రమాల్లో భాగస్వామ్యం ఉందని ఆరోపించారు. సింగరేణిలో క్వాలిటీ వైద్యం అందని ద్రాక్షగా మారిందన్నారు. ఈ సమావేశంలో యూనియన్ నేతలు మిర్యాల రంగయ్య, కె. సారయ్య, వంగా వెంకట్, రాంగోపాల్, గట్టయ్య, రమణమూర్తి, కిష్టఫర్, రాములు పాల్గొన్నారు.
