కోల్బెల్ట్, వెలుగు: కార్మికులకు ఇన్సెంటివ్ ఇవ్వడంలో సింగరేణి నిర్లక్ష్యం చేస్తుందని గుర్తింపు సంఘం ఏఐటీయూసీ కార్పొరేట్ చర్చల ప్రతినిధి సలెంద్ర సత్యనారాయణ అన్నారు. మంగళవారం మందమర్రి ఏరియా సింగరేణి వర్క్షాప్లో ఏఐటీయూసీ ప్రతినిధుల బృందం పర్యటించింది. ఈ సందర్భంగా కార్మికులు,ఉద్యోగులు ఎదుర్కొంటున్న సమస్యలు అడిగి తెలుసుకున్నారు.
ఈ సందర్భంగా సలెంద్ర సత్యనారాయణ మాట్లాడుతూ.. బొగ్గు గనుల్లో రక్షణ కోసం ఉపయోగించే ఐరన్ సపోర్ట్ దిమ్మెలను తయారు చేస్తున్న ఫ్యాబ్రికేషన్ విభాగం ఉద్యోగులకు యాజమాన్యం ఇన్సెంటివ్ ఇవ్వడంలో నిర్లక్ష్యం చేస్తుందని ఆరోపించారు. సత్వరమే ఉద్యోగుల సమస్యలు పరిష్కరించాలని ఏరియా వర్క్షాప్ డీజీఎం నాయక్ దృష్టికి తీసుకవెళ్లారు. ఏఐటీయూసీ బ్రాంచి వైస్ ప్రెసిడెంట్ భీమనాథుని సుదర్శనం, వర్క్మెన్ ఇన్స్పెక్టర్ ముల్కలపల్లి వెంకటేశ్వర్లు, పెద్దపల్లి బాణయ్య, టేకుమట్ల తిరుపతి, అసిస్టెంట్ పిట్ సెక్రటరీ పారిపెల్లి రాజేశం, తదితరులు పాల్గొన్నారు.
