కోల్బెల్ట్, వెలుగు: సింగరేణి కార్మికులు ఎదురుచూస్తున్న స్ర్టక్చర్డ్ మీటింగ్ గురువారం కొత్తగూడెం కార్పొరేట్ఆఫీస్లో జరగనుంది. డైరెక్టర్ల స్థాయిలో జరిగే మీటింగ్ నాలుగేండ్లుగా నిలిచిపోయింది. దీంతో ప్రస్తుత మీటింగ్పై కార్మికులు, ఉద్యోగులు ఆశలు పెట్టుకున్నారు. సింగరేణి ఎన్నికల్లో ఇచ్చిన హామీలు నెరవేర్చేందుకు గుర్తింపు, ప్రాతినిధ్య సంఘాలు చొరవ చూపాలని కోరుతున్నారు. వివిధ కేటగిరిల కార్మికులు గెలిచిన సంఘాలకు వేర్వేరుగా ఇప్పటికే వినతిపత్రాలు ఇచ్చారు. కాగా.. కార్మికుల సమస్యలపై చర్చించి నిర్ణయాలు తీసుకునే స్ర్టక్చర్డ్, జేసీసీ మీటింగ్ లు ఐదేండ్లుగా నిర్వహించడంలేదు. ఇటీవల ఎన్నికల్లో సింగరేణి కాలరీస్వర్కర్స్యూనియన్(ఏఐటీయూసీ) గుర్తింపు సంఘంగా, సింగరేణి కోల్మైన్స్లేబర్యూనియన్(ఐఎన్టీయూసీ) ప్రాతినిధ్య సంఘంగా గెలిచాయి.
దీంతో స్ర్టక్చర్డ్, జేసీసీ సమావేశాలను నిర్వహించాలని కార్మికులు డిమాండ్ చేయడంతో యాజమాన్యం నిర్ణయం తీసుకుంది. అండర్గ్రౌండ్గనుల్లో వెంటిలేషన్, పెండింగ్లోని కేడర్ స్కీమ్, ప్రమోషన్ల సమస్య, -సొంతింటికి 250 గజాల స్థలం, ఇంటి నిర్మాణానికి రూ.30లక్షల వడ్డీలేని రుణం, -అనారోగ్యంతో బాధపడుతున్న కార్మికులకు మెడికల్ఇన్వాలిడేషన్, -వివిధ కారణాలతో జాబ్ నుంచి తొలగించిన కార్మికులు, -మారు పేర్లతో పనిచేసే ఉద్యోగుల వారసులకు జాబ్లు, సవరించని అలవెన్సుల పరిష్కారం, కొత్త ఇన్సెంటివ్పాలసీ, -ఉద్యోగుల పిల్లల మెరిట్స్కాలర్ షిప్ రూ.50వేలు పెంపు, సింగరేణి మెడికల్ కాలేజ్లో 25శాతం సీట్ల కేటాయింపు, -అండర్ గ్రౌండ్ మైన్లలో మెడికల్ అన్ఫిట్అయిన మైనింగ్ స్టాఫ్, ట్రేడ్స్మెన్లు, ఈపీ ఆపరేటర్ల అర్హతకు తగిన జాబ్, -కోలిండియా మాదిరి పెర్క్స్పై ఇన్కమ్టాక్స్ సింగరేణి యాజమాన్యమే చెల్లింపు, ఎక్కడి ఏరియా వారికి అక్కడే వన్ టైం సెటిల్మెంట్ కింద ట్రాన్స్ఫర్ తదితర పలు డిమాండ్లు స్ర్టక్చర్డ్ మీటింగ్లో పరిష్కారమవుతాయని సింగరేణి కార్మికులు ఆశతో ఎదురుచూస్తున్నారు.
