సింగర్ సునీత (Sunitha) జనవరి 28న తిరుమల శ్రీవారిని దర్శించుకున్నారు. వీఐపీ ప్రారంభవిరామ దర్శన సమయంలో స్వామివారి సేవలో ఆమె పాల్గొన్నారు. టీటీడీ అధికారులు ఆమెకు స్వాగతం పలికి దర్శన ఏర్పాట్లు చేశారు.
అనంతరం గర్భాలయంలో స్వామివారిని దర్శించుకొని మొక్కులు చెల్లించుకున్నారు. దర్శన అనంతరం రంగనాయకుల మండపంలో పండితులు ఆశీర్వచనం చేసి స్వామివారి తీర్థప్రసాదాలను ఆమెకు అందజేశారు.
ఆలయం వెలుపలకు వచ్చిన ఆమె స్వామివారిని కీర్తిస్తూ అద్భుతంగా పాట పాడి అలరించారు. ఆమెతో ఫొటోలు తీసుకునేందుకు పలువురు ఆసక్తి కనబరిచారు.
