సోషల్ వర్క్, హ్యూమన్ రిసోర్స్ మేనేజ్మెంట్, తదితర కోర్సులకు దేశంలోనే టాటా ఇనిస్టిట్యూట్ ఆఫ్ సోషల్ సైన్సెస్ (టిస్) అత్యున్నత సంస్థగా గుర్తింపు పొందింది. ఈ సంస్థ ముంబయి, తుల్జాపూర్, హైదరాబాద్, గువహటి క్యాంపసుల్లో 50 పీజీ కోర్సులు అందిస్తోంది. వచ్చే అకడమిక్ ఇయర్లో వివిధ కోర్సుల్లో ప్రవేశానికి తాజాగా నోటిఫికేషన్ విడుదల చేసింది. ఆ వివరాలపై ఓ లుక్కేద్దాం…
టాటా ఇన్స్టిట్యూట్ ఆఫ్ సోషల్ సైన్సెస్ ముంబయి క్యాంపస్లో 32, హైదరాబాద్లో 6, తుల్జాపూర్లో 4, గువహటిలో 8 పీజీ కోర్సులు నిర్వహిస్తోంది. అన్ని కోర్సులకు స్టేజ్1 ఎగ్జామ్ ఉమ్మడిగానే ఉంటుంది. ఈ కోర్సులకు సాధారణ డిగ్రీ విద్యార్హతతో పోటీ పడే అవకాశం కల్పించారు. కొన్ని కోర్సులకు మాత్రం సంబంధిత విభాగంలో యూజీ పూర్తిచేసినవారే అర్హులు. అభ్యర్థులు చేరిన కోర్సులను బట్టి ఎంఏ, ఎమ్మెస్సీ, ఎంహెచ్ఏ, ఎంపీహెచ్ డిగ్రీలను ప్రదానం చేస్తారు. ప్రతి అభ్యర్థి గరిష్టంగా మూడు ప్రోగ్రామ్స్కు అప్లై చేసుకోవచ్చు.
విభాగాలు:-1) బీఏ(ఆన‌‌ర్స్‌) సోషల్ వర్క్,
2) బీఏ ఇన్ సోషల్ సైన్సెస్, 3) మాస్టర్స్ ప్రోగ్రామ్స్ (ఎంఏ/ ఎమ్మెస్సీ);
సెలక్షన్ చేస్తారిలా..: ఏ కోర్సు సెలెక్ట్ చేసుకున్నా టిస్, నెట్ రాయాలి. ఈ ఎగ్జామ్స్లో వచ్చిన మెరిట్ ఆధారంగా అభ్యర్థులను షార్ట్లిస్ట్ చేసి స్టేజ్2 ఎగ్జామ్నిర్వహిస్తారు. ఇందులో 50 మార్కులకు ప్రోగ్రామింగ్ ఆప్టిట్యూడ్ టెస్ట్ (పీఏటీ), వంద మార్కులకు ఆన్లైన్ పర్సనల్ ఇంటర్వ్యూ (ఓపీఐ) ఉంటాయి. తుది ఎంపికలో టిస్-నెట్కు 30, పీఏటీకి 40, ఓపీఐకి 30 శాతం వెయిటేజీ ఉంటుంది. హ్యూమన్ రిసోర్స్ మేనేజ్మెంట్ అండ్ లేబర్ రిలేషన్స్, ఆర్గనైజేషన్ డెవలప్మెంట్ చేంజ్ అండ్ లీడర్షిప్.. ఈ రెండు కోర్సులకు అప్లై చేసుకున్నవారు పీఏటీ బదులు టిస్ మ్యాట్ రాయాలి. టిస్ నెట్పరీక్షను ఆన్లైన్లో నిర్వహిస్తారు. ప్రతి ప్రశ్నకు ఒక మార్కు చొప్పున వంద ఆబ్జెక్టివ్ ప్రశ్నలు వస్తాయి. జనరల్ అవేర్నెస్ 40, ఇంగ్లిష్ ప్రొఫిషియన్సీ 30, మ్యాథ్స్ అండ్ లాజికల్ రీజనింగ్ 30 మార్కులకు ఉంటాయి.
ముఖ్యమైన సమాచారం
దరఖాస్తులు: ఆన్లైన్
చివరితేది: 15 జనవరి 2021
పరీక్ష తేది: 20 ఫిబ్రవరి 2021
ఎగ్జామ్ సెంటర్స్: హైదరాబాద్, విశాఖపట్నం
వెబ్సైట్: www.admissions.tiss.edu
