సిరిసిల్ల ఎమ్మెల్యే కేటీఆర్ మాట తప్పారని నియోజకవర్గ కాంగ్రెస్ ఇన్ చార్జి కేకే మహేందర్ రెడ్డి అన్నారు. ఐదు సార్లు ఎమ్మెల్యేగా గెలిచిన కేటీఆర్సిరిసిల్లలోనే ఉండి నియోజకవర్గ సమస్యలను పరిష్కరిస్తానని చెప్పి మాట తప్పారన్నారు.కేటీఆర్ నైజం దోచుకోవడం.. దాచుకోవడం అని ఎద్దేవా చేశారు. తన నియోజకవర్గం గురించి పట్టించుకోని ఎమ్మెల్యే కేటీఆర్ కు . సీఎం రేవంత్ రెడ్డిని విమర్శించే స్థాయి లేదన్నారు. బీఆర్ఎస్ హయాంలో ఎన్ని తప్పుడు కేసులు పెట్టినా..ప్రజా సమస్యలపై పోరాడి సీఎం అయ్యారన్నారు.
ALSO READ | అలా ఎలా కూలుస్తారు..?: హైడ్రా కమిషనర్ రంగనాథ్కు హైకోర్టు నోటీసులు
కేసీఆర్ ముఖ్యమంత్రిగా ఉండగా పద్మశాలీలకే రూ. 50 లక్షలు ఇచ్చారని అబద్దాలు చెబుతున్నారని... బీఆర్ఎస్ హయాంలో విరాళాలు సేకరించి రూ. 50 లక్షలు ఇచ్చామని.. ఇంకా వాటిని కూడా ఇవ్వలేదన్నారు. బీఆర్ఎస్ హయాంలో కాటన్ పరిశ్రమ లేకుండా చేస్తే...కాంగ్రెస్ ప్రభుత్వం అధికారంలోకి వచ్చిన తరువాత నేతన్న చేయూత పథకం ద్వారా ఆర్థిక సాయం చేసిందన్నారు.
గత ప్రభుత్వంలో చేనేత కార్మికులు ఆత్మహత్యలు చేసుకుంటే పోలీసులను అడ్డుపెట్టుకుని బయటకి రాకుండా చేసారు. బీఆర్ఎస్ పాలించిన 10 ఏళ్లలో 100 మంది చనిపోయారన్నారు.1312 కోట్ల రూపాయలు బతుకమ్మ చీరలకు వెచ్చిస్తే ఒక్కొక్క కార్మికునికి 33 లక్షలు రావాలి అవన్నీ రూపాయలు ఎక్కడికి పోయాయని సిరిసిల్ల కాంగ్రెస్ నేత కేకే మహేందర్ రెడ్డి ప్రశ్నించారు. గత ప్రభుత్వంలోనే టెక్స్ టైల్ పార్క్ తరలిపోతుంటే ఎందుకు ఆపలేదన్నారు. కాంగ్రెస్ అధినేత్రి సోనియాగాంధీ తెలంగాణ ఇస్తే.. బీఆర్ఎస్ ప్రభుత్వ హయాంలో తెలంగా నట్టేట మునిగిందని.. కమిషన్ల కోసం కాళేశ్వరాన్ని నిర్మించారన్నారు.
