తెలుగు రాష్ట్రాల్లో మల్టీ లెవల్ బిజినెస్ పేరుతో మోసానికి పాల్పడిన వ్యక్తిని రాజన్న సిరిసిల్ల జిల్లా పోలీసులు జులై 30 న అరెస్టు చేశారు. అతన్ని మీడియా ముందు హాజరుపరిచి కేసు సంబంధించిన వివరాలను ఎస్పీ అఖిల్మహాజన్, డీఎస్పీ ఉదయ్రెడ్డి, సీఐ సదన్కుమార్లు వెల్లడించారు.
వారు తెలిపిన వివరాల ప్రకారం.. పెద్దపల్లి జిల్లాకు చెందిన రమేశ్చారి అనే వ్యక్తి మల్టీ లెవల్ బిజినెస్పేరుతో తెలంగాణ వ్యాప్తంగా రూ.9 కోట్ల మేర మోసపూరిత లావాదేవీలు జరిపాడు. ఇందులో ఒక్క సిరిసిల్ల జిల్లాలోనే రూ.4 కోట్ల ఆన్లైన్ బిజినెస్ చేశాడు.
హైదరాబాద్లో తెలంగాణ ఫుడ్ అండ్ ఎలక్ట్రానిక్స్ కంపెనీ పేరుతో ఫేక్ ఆఫీస్ని ఏర్పాటు చేశాడు. అనంతరం అన్ని వర్గాల ప్రజలే టార్గెట్ గా ఈ దందాకు తెరతీశాడు. ముస్తాబాద్మండలం అవునూరి గ్రామానికి చంఎదిన అదర్స్ గౌడ్ అనే వ్యక్తి అతని చేతిల్లో మోసపోయాడు.
ఆయన ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేయగా తాజాగా పట్టుబడ్డాడు. రాష్ట్ర వ్యాప్తంగా ఇప్పటికే అతనిపై 19 కేసులున్నట్లు పోలీసులు గుర్తించారు. బాధితులు ఎవరైనా ఉంటే జిల్లా పోలీస్కార్యాలయంలో కంప్లైంట్ చేయాలని ఎస్పీ సూచించారు.
