అమరన్‌ చిత్రంతో సూపర్ హిట్‌ అందుకున్న శివ కార్తికేయన్.. తన కెరీర్‌‌‌‌లో మైల్‌ స్టోన్‌ మూవీకి చేరువయ్యాడు. తను హీరోగా తెరకెక్కనున్న 25వ చిత్రాన్ని నేషనల్ అవార్డ్ విన్నింగ్ డైరెక్టర్ సుధా కొంగరతో చేస్తున్నాడు. ఈ సినిమాకు పరాశక్తి అనే పవర్ ఫుల్ టైటిల్ అనౌన్స్ చేశారు. ఇందులో జయం రవి, అథర్వ కీలకపాత్రలు పోషిస్తున్నారు.
లేటెస్ట్గా పరాశక్తి మూవీ నుండి టైటిల్ టీజర్ రిలీజ్ చేశారు. పీరియాడికల్ స్టోరీగా రాబోతున్న ఈ సినిమాలో శివ కార్తికేయన్ ఒక స్టూడెంట్ లీడర్ గా కనిపించనున్నారు. జయం రవి క్రూరమైన విలన్ పాత్రలో నటిస్తున్నాడు.
డైరెక్టర్ సుధా కొంగర ఈ సినిమాను పవర్ ఫుల్ పొలిటికల్ కాన్సెప్ట్తో తెరకెక్కించింది. అందుకు తగ్గట్లే సినిమా టీజర్ ఆసక్తికరంగా సాగింది. ఈ సినిమాతో శ్రీలీల తమిళంలో ఎంట్రీ ఇస్తుంది. సైన్యమై కదిలిరా అంటూ స్టూడెంట్ లీడర్గా శివ కార్తికేయన్ చెప్పిన డైలాగ్ టీజర్లో హైలెట్గా నిలిచింది.
ఈ చిత్రానికి రవి కె. చంద్రన్ సినిమాటోగ్రాఫర్‌‌గా వ్యవహరిస్తుండగా, జీవీ ప్రకాష్ కుమార్ సంగీతం అందిస్తున్నాడు. మ్యూజిక్ డైరెక్టర్‌‌‌‌గా తనకు ఇది 100వ సినిమా కావడం విశేషం. శ్రీలీల హీరోయిన్‌‌గా నటిస్తోంది. డాన్ పిక్చర్స్ బ్యానర్ పై ఆకాష్ బాస్కరన్ నిర్మిస్తున్నారు.
