నిజామాబాద్, వెలుగు: ఇందూరు పార్లమెంట్ స్థానంలో శుక్రవారం ఆరుగురు అభ్యర్థులు మొత్తం ఏడు సెట్ల నామినేషన్లను రిటర్నింగ్ఆఫీసర్ కలెక్టర్రాజీవ్గాంధీ హన్మంతుకు అందించారు. పసుపు రైతులు వెంటరాగా వారు వేసిన పసుపు కొమ్మ దండతో నగరంలోని ఇంటి నుంచి కలెక్టర్ కార్యాలయం చేరిన బీజేపీ అభ్యర్థి ధర్మపురి అర్వింద్ ఒక సెట్ నామినేషన్ వేశారు. బీఆర్‌‌‌‌‌‌‌‌‌‌‌‌‌‌‌‌ఎస్ అభ్యర్థిగా బాజిరెడ్డి గోవర్ధన్ రెండు సెట్ల నామినేషన్ పత్రాలు సమర్పించారు.
రాజ్యసభ సభ్యుడు కేఆర్సురేశ్రెడ్డి, మాజీ మంత్రులు శ్రీనివాస్గౌడ్, వేముల ప్రశాంత్రెడ్డి, మాజీ ఎమ్మెల్యే బిగాల గణేశ్గుప్తాతో కలిసి ఒక నామినేషన్ సెట్ వేయగా.. జగిత్యాల జడ్పీ చైర్పర్సన్ దావ వసంత, కోరుట్ల ఎమ్మెల్యే సంజయ్కుమార్, బోధన్ మాజీ ఎమ్మెల్యే షకీల్భార్య అయేషా ఫాతిమా, పార్టీ జిల్లా ప్రెసిడెంట్ జీవన్రెడ్డితో కలిసి మరో నామినేషన్సెట్అందజేశారు. బహుజన్ ముక్తి పార్టీ తరఫున దేవతి శ్రీనివాస్, ధర్మసమాజ్ పార్టీ అభ్యర్థిగా కండెల సుమన్, ఇండిపెండెంట్క్యాండిడేట్లుగా రాగి అనిల్, రాపెల్లి శ్రీనివాస్ నామినేషన్లు సమర్పించారు.
