- ఈ రంగానికి అన్నిరకాల సహకారం అందిస్తం
- హైబిజ్టీవీ నాలుగో ఎడిషన్ మీడియా అవార్డుల ప్రదానం
మాదాపూర్, వెలుగు: అతి పెద్ద ప్రజాస్వామ్య దేశమైన భారత్లో మీడియా మూల స్తంభంగా ఉందని, ప్ర జలకు, ప్రభుత్వానికి వారధిలా పనిచేస్తూ తన కర్తవ్యాన్ని నిర్వర్తిస్తున్నదని మంత్రి ఉత్తమ్ కుమార్రెడ్డి తెలిపారు. మీడియా రంగానికి రాష్ట్ర ప్రభుత్వం అన్నివిధాలుగా సహకారం అందిస్తుందని స్పష్టం చేశారు. గురువారం హైదరాబాద్లోని మాదాపూర్హెచ్ఐసీసీ వేదికగా హైబిజ్టీవీ నిర్వహించిన నాలుగో ఎడిషన్ మీడియా అవార్డుల కార్యక్రమానికి మంత్రి ఉత్తమ్ కుమార్రెడ్డి ముఖ్య అతిథిగా హాజరయ్యారు. వివిధ కేటగిరీల్లో ప్రతిభ కనబర్చిన 69 మంది మీడియా ప్రతినిధులకు అవార్డులను అందజేశారు. ఈ సందర్భంగా ఉత్తమ్కుమార్రెడ్డి మాట్లాడుతూ.. రాష్ట్ర అభివృద్ధిలో మీడియా పాత్ర ఎంతో కీలకమని పేర్కొన్నారు.
వీ6, వెలుగుకు ఆరు అవార్డులు
వీ6, వెలుగు మీడియాలో పనిచేస్తున్న ఆరుగురికి హైబిజ్అవార్డులు దక్కాయి. వెలుగు దినపత్రిక నుంచి విజనరీ అవార్డును అడ్వర్టైజ్మెంట్ జీఎం సంతోష్, బెస్ట్ కార్టూనిస్ట్ అవార్డును వెంకటేశ్, సీనియర్ మోస్ట్ ఎంప్లాయ్అవార్డును ఎంఆర్కే గణపతిరావు, న్యూ క్లయింట్ఎక్విజిషన్ అవార్డును ప్రేమ్కుమార్రెడ్డి అందుకున్నారు. వీరితోపాటు వీ6 న్యూస్ చానెల్ నుంచి బెస్ట్ క్రైమ్ రిపోర్టర్గా సదానంద్గౌడ్, బెస్ట్ స్పోర్ట్స్ రిపోర్టర్గా నరేందర్రెడ్డి అవార్డులను పొందారు. ఈ కార్యక్రమంలో బీసీ కమిషనర్ చైర్మన్ కృష్ణమోహన్, క్రెడాయ్ ప్రెసిడెంట్ రాజశేఖర్రెడ్డి, హైబిజ్ టీవీ ఎండీ రాజగోపాల్, సీఈవో సంధ్యారాణి, మీడియా ప్రతినిధులు, తదితరులు పాల్గొన్నారు.
