టీ20 ప్రపంచకప్ లో భాగంగా 2024జూన్ 03వ తేదీ సోమవారం ఒమన్, నమీబియా జట్ల మధ్య బ్రిడ్జ్‌టౌన్ వేదికగా మ్యాచ్ జరిగింది. అయితే ఈ మ్యాచ్ లో ఒక అరుదైన రికార్డు నమోదైంది. అదేంటంటే మొదటగా బ్యాటింగ్ కి దిగిన ఒమన్ జట్టులోని ఆరుగురు బ్యాటర్లు ఎల్‍బిడబ్యూ(LBW)గా వెనుదిరిగారు. క్రికెట్ చరిత్రలో ఇంతమంది ఆరుగురు బ్యాటర్లు ఎల్‍బిడబ్యూగా వెనుదిరగడం అనేది ఇదే తొలిసారి కావడం విశేషం. అంతకుముందు నెదర్లాండ్(vs శ్రీలంక), స్కాట్లాండ్(vs అఫ్గాన్) టీమ్ లో ఐదుగురు బ్యాటర్లు ఎల్‍బిడబ్యూ(LBW)గా అవుట్ అయ్యారు.
ఇక మ్యాచ్ విషయానికి వస్తే, ఈ మ్యాచ్ లో నమీబియా విజయం సాధించింది. ఇందులో మొదటగా బ్యాటింగ్ చేసిన ఒమన్ 109 పరుగులకు ఆలౌట్ అయ్యింది. తరువాత బ్యాటింగ్ చేసిన నమీబియా 6 వికెట్ల నష్టానికి 109 పరుగులు చేసింది. తద్వారా మ్యాచ్ టైగా ముగిసింది. ఇక సూపర్ ఓవర్ లో నమీబియా ఆల్ రౌండర్ వైస్ బ్యాటింగ్, బౌలింగ్ లో అదరగొట్టి టీమ్ గెలుపులో కీ రోల్ పోషించాడు.
