డిస్కమ్లకు మీటర్ బిల్లింగ్ సహా పలు సేవలు
ఇందుకోసం జియో డిజిటల్ అసెట్స్ వాడకం
న్యూఢిల్లీ: రిలయన్స్ ఇండస్ట్రీస్‌ స్మార్ట్ ఎలక్ట్రిక్ మీటర్ల బిజినెస్లోకి ఎంటర్ కావాలని కోరుకుంటోంది. ఇందుకోసం తన జియో బిజినెస్ను వాడుకోనుంది. ఈ బిజినెస్ ద్వారా కరెంటు డిస్ట్రిబ్యూషన్ కంపెనీలకు మీటర్ డేటా కలెక్షన్, కమ్యూనికేషన్ కార్డ్స్, టెలికం, క్లౌడ్ హోస్టింగ్ సర్వీసులను అందించనుంది. డిస్ట్రిబ్యూషన్ నష్టాలను తగ్గించడానికి ప్రపంచంలోనే అతిపెద్ద స్మార్ట్ ఎలక్ట్రిక్ మీటరింగ్ ప్రోగ్రామ్ను అమలు చేస్తున్న నేపథ్యంలో రిలయన్స్ ఈ సెగ్మెంట్లోకి వస్తోంది. దేశవ్యాప్తంగా 25 కోట్ల సాధారణ మీటర్లను తొలగించి స్మార్ట్ ఎలక్ట్రిక్ మీటర్లను బిగించడానికి ఈ కార్యక్రమాన్ని అమలు చేస్తున్నారు. దీనివల్ల డిస్కమ్లకు రూ.1.38 లక్షల కోట్ల రెవెన్యూలు వచ్చే అవకాశాలు ఉన్నాయి. బిలినియర్ ముకేశ్ అంబానీకి చెందిన రిలయన్స్ అడ్వాన్స్డ్ మీటరింగ్ ఇన్ఫ్రాస్ట్రక్చర్ను (ఏఎంఐ) బిజినెస్లోకి రావడానికి ప్రయత్నిస్తోంది. న్యారో బ్యాండ్ ఇంటర్నెట్ ఆఫ్ థింగ్స్ టెక్నాలజీ ద్వారా సేవలు అందిస్తామని చెబుతోంది. స్మార్ట్ ఎలక్ట్రిక్ మీటర్లకు రెండువైపులా కమ్యూనికేషన్ జరిపే నెట్వర్క్, కంట్రోల్ సెంటర్ ఎక్విప్మెంట్, డేటా సేకరణ కోసం సాఫ్ట్వేర్ అప్లికేషన్లు అవసరం. నిజానికి న్యారోబ్యాండ్ టెక్నాలజీని మొబైల్ నెట్వర్కులు, సర్వీసుల కోసం తయారు చేశారు. అయితే, స్మార్ట్ ఎలక్ట్రిక్ మీటర్ల బిజినెస్లోకి రావడంపై అడిగిన ప్రశ్నలకు రిలయన్స్ ప్రతినిధి రెస్పాండ్ కాలేదు.
స్మార్ట్ ఎలక్ట్రిక్ మీటర్లతో లాభాలు ఏమిటంటే..
స్మార్ట్ ఎలక్ట్రిక్ మీటర్ల వల్ల మనుషులు ఇండ్లకు వచ్చి రీడింగ్ తీయాల్సిన అవసరం ఉండదు. బిల్లింగ్, కలెక్షన్ ఆన్లైన్లోనే జరుగుతాయి. కరెంటు చోరీలను ఈజీగా గుర్తించవచ్చు. ఇలాంటి సేవలు అందించడానికి రిలయన్స్ రెడీగా ఉందని ఈ విషయం తెలిసిన వ్యక్తి చెప్పారు. జియో దగ్గర క్లౌడ్, ఎడ్జి కంప్యూటింగ్, డేటా ఎనలిటిక్స్, ఆర్టిఫిషియల్ ఇంటెలిజెన్స్, మెషీన్ లెర్నింగ్, బ్లాక్చెయిన్, ఇంటర్నెట్ ఆఫ్ థింగ్స్ వంటి టెక్నాలజీలు ఉండటమే ఇందుకు కారణం. మోడీ ప్రభుత్వం ప్రపోజ్ చేసిన రూ.3.5 లక్షల కోట్ల డిస్ట్రిబ్యూషన్ రిఫామ్ స్కీమ్కు స్మార్ట్ ఎలక్ట్రిక్ మీటర్లు కీలకమని పవర్ సెక్టార్ ఎక్స్పర్టులు చెబుతున్నారు.
For More News..
