హైదరాబాద్సిటీ, వెలుగు: ఓల్డ్ వాల్వుల స్థానంలో స్మార్ట్వాల్వ్టెక్నాలజీని అమలుచేయాలని నిర్ణయించినట్టు వాటర్బోర్డు ఎండీ అశోక్రెడ్డి తెలిపారు. ప్రయోగాత్మకంగా సనత్ నగర్లో ఏర్పాటు చేశామన్నారు. మంగళవారం సనత్నగర్లో పర్యటించారు. ఈ సందర్భంగా ఆయన మాట్లాడుతూ.. దాదాపు అధిక శాతం వాల్వులు రోడ్లపైనే ఉన్నాయన్నారు. వాటిని ఆపరేట్చేసే టైంలో పలువురు లైన్ మెన్లు ప్రమాదానికి గురవుతున్నారని చెప్పారు. అలాంటి చోట్ల స్మార్ట్వాల్వ్టెక్నాలజీని అమలు చేయాలని నిర్ణయించినట్టు ఆయన తెలిపారు.
దీంతో లైన్ మెన్లు క్షేత్ర స్థాయిలో తిరగాల్సిన అవసరం ఉండదన్నారు. మొబైల్ యాప్ తో వాల్వులను ఆపరేట్చేయొచ్చని చెప్పారు. స్మార్ట్ వాల్వ్ టెక్నాలజీ పూర్తిగా సోలార్ ఎనర్జీని ఉపయోగించుకుని పనిచేస్తుందన్నారు. సనత్నగర్లో సక్సెస్అయితే మరిన్ని ప్రాంతాలకు విస్తరిస్తామని అశోక్రెడ్డి వెల్లడించారు. అలాగే కృష్ణా నగర్ ‘సి’బ్లాక్, అమీర్పేట, శ్రీనగర్కాలనీ తదితర ప్రాంతాల్లో పర్యటించి సీవరేజీ నిర్వహణను పరిశీలించారు. సీవేజ్ఓవర్ ఫ్లో అయ్యి సెల్లార్లలోకి వస్తున్నాయని స్థానికులు ఎండీకి తెలిపారు. ఈ కార్యక్రమంలో సీజీఎం ప్రభు, జీఎం హరిశంకర్, డీజీఎం, మేనేజర్ తదితరులు పాల్గొన్నారు.
